https://sputnik.kg/20260103/aksh-venesuela-maduro-sot-ajyp-1098994594.html
АКШ Венесуэланын президентин "баңгизат террорчулугуна" айыптоодо
АКШ Венесуэланын президентин "баңгизат террорчулугуна" айыптоодо
Sputnik Кыргызстан
БИШКЕК, 3-янв. — Sputnik. Венесуэла президенти Николас Мадуро жубайы экөө "баңгизат террорчулугуна" жана кокаин ташуу менен курал сактоого айыпталууда. Бул... 03.01.2026, Sputnik Кыргызстан
2026-01-03T19:12+0600
2026-01-03T19:12+0600
2026-01-10T11:53+0600
дүйнөдө
венесуэла
акш
николас мадуро
прокурор
сот
https://sputnik.kg/img/07e8/09/03/1088368055_0:0:3111:1750_1920x0_80_0_0_495f79d34e9d412a754fab68e159ebc2.jpg
БИШКЕК, 3-янв. — Sputnik. Венесуэла президенти Николас Мадуро жубайы экөө "баңгизат террорчулугуна" жана кокаин ташуу менен курал сактоого айыпталууда. Бул тууралуу АКШнын башкы прокурору Памела Бонди билдиргенин РИА Новости жазды. Прокурор Мадуро жубайы менен жакын арада америкалык сотко алып келинерин айткан. Эске салсак, бүгүн, 3-январда, АКШ аскердик операциянын алкагында Венесуэлага сокку урган. Кийинчерээк Ак үй маалыматты тастыктаган. Буга байланыштуу Венесуэланын президенти Николас Мадуро өзгөчө кырдаал режимин киргизген. Бирок андан кийин Дональд Трамп Мадуро жубайы менен кармалып, өлкөдөн чыгарылганын социалдык тармакта жазган. Америка башчысы анда Венесуэлага каршы масштабдуу операция ийгиликтүү өткөнүн да белгилеген. АКШ менен Венесуэланын ортосундагы чыңалуу Акыркы айларда АКШ баңгизат ташыйт деген жүйө менен кайыктарды жок кылуу үчүн бир нече жолу күч колдонгон. Америка бийлигинин билдирүүсү боюнча, мындай операциялар улуттар аралык кылмыштуулук жана баңгизат соодасы менен күрөшүүгө багытталган. Ушундан улам Каракас менен Вашингтондун мамилеси бузулуп, бир топ чыңалган абалга жетти. Ак үй ЦРУга Венесуэлада Николас Мадуронун өкмөтүндөгү туруктуулукту бузуу үчүн жашыруун операцияларды жүргүзүүгө уруксат берген. Ал эми башкы прокурор Пэм Бонди Мадурону камакка алууга көмөк болчу маалымат үчүн 50 миллион доллар сыйлык каралганын жарыялаган. Декабрдын ортосунда АКШ президенти Дональд Трамп Латын Америка өлкөсүнүн башчысын "активдерди уурдаганга, террорчулукка, баңгизат аткезчиликтерине жана адам сатууга" айыптап, аны террордук уюм деп атаган. Ошондой эле Трамп андан уурдалды делген нефтини, жерди жана каражаттарды кайтарууну талап кылып, санкцияга кирген бардык нефть ташыган кемелерге бөгөт коюларын эскерткен. РФ ТИМинин расмий өкүлү Мария Захарова Россия ынак мамиледеги Венесуэланын айланасындагы абалга көз салып турганын билдирген. Ошол эле учурда эл аралык деңиз каттамдарына коркунуч жаратуучу чечимдердин бир тараптуу кабыл алынып жаткандыгы өзгөчө тынчсыздандырарын белгилеген.
https://sputnik.kg/20260103/aksh-venesuehla-rossiya-pikir-koldoo-chabuul-sokku-1098992877.html
венесуэла
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, венесуэла, акш, николас мадуро, прокурор, сот
дүйнөдө, венесуэла, акш, николас мадуро, прокурор, сот
БИШКЕК, 3-янв. — Sputnik. Венесуэла президенти Николас Мадуро жубайы экөө "баңгизат террорчулугуна" жана кокаин ташуу менен курал сактоого айыпталууда. Бул тууралуу АКШнын башкы прокурору Памела Бонди билдиргенин
РИА Новости жазды.
Прокурор Мадуро жубайы менен жакын арада америкалык сотко алып келинерин айткан.
Эске салсак, бүгүн, 3-январда, АКШ аскердик операциянын алкагында Венесуэлага сокку урган. Кийинчерээк Ак үй маалыматты тастыктаган. Буга байланыштуу Венесуэланын президенти Николас Мадуро өзгөчө кырдаал режимин киргизген. Бирок андан кийин Дональд Трамп Мадуро жубайы менен кармалып, өлкөдөн чыгарылганын социалдык тармакта жазган. Америка башчысы анда Венесуэлага каршы масштабдуу операция ийгиликтүү өткөнүн да белгилеген.
АКШ менен Венесуэланын ортосундагы чыңалуу
Акыркы айларда АКШ баңгизат ташыйт деген жүйө менен кайыктарды жок кылуу үчүн бир нече жолу күч колдонгон. Америка бийлигинин билдирүүсү боюнча, мындай операциялар улуттар аралык кылмыштуулук жана баңгизат соодасы менен күрөшүүгө багытталган.
Ушундан улам Каракас менен Вашингтондун мамилеси бузулуп, бир топ чыңалган абалга жетти. Ак үй ЦРУга Венесуэлада Николас Мадуронун өкмөтүндөгү туруктуулукту бузуу үчүн жашыруун операцияларды жүргүзүүгө уруксат берген. Ал эми башкы прокурор Пэм Бонди Мадурону камакка алууга көмөк болчу маалымат үчүн 50 миллион доллар сыйлык каралганын жарыялаган.
Декабрдын ортосунда АКШ президенти Дональд Трамп Латын Америка өлкөсүнүн башчысын "активдерди уурдаганга, террорчулукка, баңгизат аткезчиликтерине жана адам сатууга" айыптап, аны террордук уюм деп атаган. Ошондой эле Трамп андан уурдалды делген нефтини, жерди жана каражаттарды кайтарууну талап кылып, санкцияга кирген бардык нефть ташыган кемелерге бөгөт коюларын эскерткен.
РФ ТИМинин расмий өкүлү Мария Захарова Россия ынак мамиледеги Венесуэланын айланасындагы абалга көз салып турганын билдирген. Ошол эле учурда эл аралык деңиз каттамдарына коркунуч жаратуучу чечимдердин бир тараптуу кабыл алынып жаткандыгы өзгөчө тынчсыздандырарын белгилеген.
