https://sputnik.kg/20250619/zhkkunun-kiberkooptuuluk-boyuncha-koldogu-zhiyynyn-videosu-1094754970.html
Киберкооптуулук улам күч алууда. ЖККУнун Ысык-Көлдөгү жыйынынан видео
Киберкооптуулук улам күч алууда. ЖККУнун Ысык-Көлдөгү жыйынынан видео
Sputnik Кыргызстан
Кыргызстанда өтө олуттуу болгон киберкоопсуздук темасына арналып, Жамааттык коопсуздук жана кызматташуу уюмунун алкагында эл аралык ири иш-чара өтүүдө... 19.06.2025, Sputnik Кыргызстан
2025-06-19T15:27+0600
2025-06-19T15:27+0600
2025-06-25T17:28+0600
видео
кыргызстан
ысык-көл
бостери
жкку
кибер коопсуздук
конференция
https://sputnik.kg/img/07e9/06/13/1094759128_0:0:1920:1080_1920x0_80_0_0_27e528efb301280903013ac8ea19c2b0.jpg
Кыргызстанда өтө олуттуу болгон киберкоопсуздук темасына арналып, Жамааттык коопсуздук жана кызматташуу уюмунун алкагында эл аралык ири иш-чара өтүүдө. Ысык-Көлдүн Бостерисине аталган уюмдун өкүлдөрү жана бул терс көрүнүшкө каршы күрөшкөн тажрыйбалуу адистер чакырылган. Андан сырткары, ЖККУнун, КМШнын, ШКУнун делегациялары келди. Күн тартибинде маалыматтарды коргоп-сактоо гана эмес, глобалдык санариптик инфраструктуранын коопсуздугу да болду. Катышуучулар киберкоркунучтар татаалдашып, андан улам кесепети тийип жатканын айтып, ал жеке адамдарга гана эмес, бүтүндөй өлкөлөргө да тиешелүү экенин белгилешти. Ал биргелешип иш алып баруу маанилүү экендигин белгилеген. "Кыргызстанда 2024-жылы киберкоопсуздук боюнча мыйзам кабыл алынган. Санариптик криминалистика лабораториясы жана Киберчабуулдарга ыкчам чара көрүү борбору түзүлдү. Бул борбор былтыртан бери 5 миллионго жакын киберчабуулду каттаган. Алардын 71 пайызы жоюлуп, калган 29 пайызы коркунучу төмөнкү деңгээлде деп бааланган", — деген маалыматтарды айткан комитет башчысы. Конференцияга катышып жаткан РФтин Коопсуздук кеңешинин катчысынын жардамчысы Дмитрий Грибков ЖККУ өлкөлөрүнө карата терс маалыматтар агымы күчөп жатканын белгилеген. "Компьютердик чабуулдарга улуттук борборлордун кайтарган жоопторунун ыкмалары менен жолдорун дайыма өнүктүрүп туруу зарыл. Биргелешкен машыгуулардын алкагында маанилүү маалыматтык инфраструктуралык объектилерди коргоо боюнча мүмкүн болушунча чындыкка жакындаштырылган сценарийлерди иштеп чыгуу керек", — деген ал. Конференция улуттук жана эл аралык деңгээлде санариптик мейкиндикти коргоо үчүн тажрыйба алмашуу жана координацияланган чараларды иштеп чыгуу үчүн атайын платформа болду.
ысык-көл
бостери
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
видео, кыргызстан, ысык-көл, бостери, жкку, кибер коопсуздук, конференция, видео
видео, кыргызстан, ысык-көл, бостери, жкку, кибер коопсуздук, конференция, видео
Кыргызстанда өтө олуттуу болгон киберкоопсуздук темасына арналып, Жамааттык коопсуздук жана кызматташуу уюмунун алкагында эл аралык ири иш-чара өтүүдө.
Ысык-Көлдүн Бостерисине аталган уюмдун өкүлдөрү жана бул терс көрүнүшкө каршы күрөшкөн тажрыйбалуу адистер чакырылган. Андан сырткары, ЖККУнун, КМШнын, ШКУнун делегациялары келди.
Күн тартибинде маалыматтарды коргоп-сактоо гана эмес, глобалдык санариптик инфраструктуранын коопсуздугу да болду.
Катышуучулар киберкоркунучтар татаалдашып, андан улам кесепети тийип жатканын айтып, ал жеке адамдарга гана эмес, бүтүндөй өлкөлөргө да тиешелүү экенин белгилешти.
"Биз маалыматтарды коргоп-сактоого гана эмес, глобалдык санариптик инфраструктуранын коопсуздугуна тиешелүү орчундуу маселелерди да талкуулайбыз. Киберкоркунучтар татаалдашып, алардын кесепети кыйратуучу күчкө ээ болуп баратат", — деген иш-чаранын ачылышында УКМК төрагасы Камчыбек Ташиев.
Ал биргелешип иш алып баруу маанилүү экендигин белгилеген.
"Кыргызстанда 2024-жылы киберкоопсуздук боюнча мыйзам кабыл алынган. Санариптик криминалистика лабораториясы жана Киберчабуулдарга ыкчам чара көрүү борбору түзүлдү. Бул борбор былтыртан бери 5 миллионго жакын киберчабуулду каттаган. Алардын 71 пайызы жоюлуп, калган 29 пайызы коркунучу төмөнкү деңгээлде деп бааланган", — деген маалыматтарды айткан комитет башчысы.
Конференцияга катышып жаткан РФтин Коопсуздук кеңешинин катчысынын жардамчысы Дмитрий Грибков ЖККУ өлкөлөрүнө карата терс маалыматтар агымы күчөп жатканын белгилеген.
"Компьютердик чабуулдарга улуттук борборлордун кайтарган жоопторунун ыкмалары менен жолдорун дайыма өнүктүрүп туруу зарыл. Биргелешкен машыгуулардын алкагында маанилүү маалыматтык инфраструктуралык объектилерди коргоо боюнча мүмкүн болушунча чындыкка жакындаштырылган сценарийлерди иштеп чыгуу керек", — деген ал.
Конференция улуттук жана эл аралык деңгээлде санариптик мейкиндикти коргоо үчүн тажрыйба алмашуу жана координацияланган чараларды иштеп чыгуу үчүн атайын платформа болду.
