Москвада 65 жыл мурун даңазаланган кыргыз маданияты. Декададагы сейрек сүрөттөр
Москвада 65 жыл мурун даңазаланган кыргыз маданияты. Декададагы сейрек сүрөттөр
Sputnik Кыргызстан
Мындан 65 жыл мурун Москвада кыргыз адабияты менен искусствосунун экинчи декадасы өткөн. Sputnik Кыргызстан агенттиги ошол маданий иш-чараны чагылдырган сүрөт... 25.10.2023, Sputnik Кыргызстан
Кыргыз адабияты менен искусствосунун экинчи декадасы 1958-жылы 14-октябрдан 25-октябрга чейин Москвада өткөн. Ага кыргыз жергесинен улуттук маданиятты даңазалаган акын-жазуучулар, аткаруучулар, обончулар, төкмө акын, манасчылар, сүрөтчүлөр, кол өнөрчүлөр, театр кызматкерлери катышып, делегацияны кызматка жаңы дайындалган Кыргыз ССРинин маданият министри Күлүйпа Кондучалова жетектеп барган.КР эл артисти, белгилүү композитор, дирижер Сардарбек Жумалиевдин айтымында, маданий ишмерлерди жергиликтүүлөр абдан жакшы кабыл алган.Декадага 1000ден ашык кыргызстандык катышып, маданий иш-чаралар он күнгө созулуп жогорку деңгээлде өткөн. Чыгармачыл инсандар "Токтогул" операсын, "Чолпон", "Анара" балеттерин, "Саринжи-Бөкөй", "Курманбек" драмасын, "Тар капчыгай" пьесасын сахнага койгон. Соңунда айрым маданият кызматкерлери жогорку сыйлыктарга татыган. Алсак, актер Муратбек Рыскулов, балерина Бүбүсара Бейшеналиева, опера ырчысы Сайра Кийизбаева СССРдин эл артисти болгон.Тема боюнча:
Мындан 65 жыл мурун Москвада кыргыз адабияты менен искусствосунун экинчи декадасы өткөн. Sputnik Кыргызстан агенттиги ошол маданий иш-чараны чагылдырган сүрөт түрмөк сунуштайт.
Кыргыз адабияты менен искусствосунун экинчи декадасы 1958-жылы 14-октябрдан 25-октябрга чейин Москвада өткөн. Ага кыргыз жергесинен улуттук маданиятты даңазалаган акын-жазуучулар, аткаруучулар, обончулар, төкмө акын, манасчылар, сүрөтчүлөр, кол өнөрчүлөр, театр кызматкерлери катышып, делегацияны кызматка жаңы дайындалган Кыргыз ССРинин маданият министри Күлүйпа Кондучалова жетектеп барган.
КР эл артисти, белгилүү композитор, дирижер Сардарбек Жумалиевдин айтымында, маданий ишмерлерди жергиликтүүлөр абдан жакшы кабыл алган.
"17 жашта болчумун. Музыканттар жетишпей, мен эл аспаптар оркестрине кабыл алынган элем. Декадага бир топ залкарлар барган. Москвага поезд менен жеткенбиз. Мамлекет башындагылар Исхак Раззаков, Казы Дыйканбаев Москвага жолго чыгар алдында даярдыгыбызды көрүп, Опера жана балет театрында жыйынтыктоочу концертибизге күбө болгон. Ага чейин Раззаков кийим-кечеңер жакшы болсун деп ар бирибизге көйнөк тиктирип берген. Маданият министри Күлүйпа Кондучалова бизге жакшы көңүл буруп, дайыма баш-көз болуп жүрчү. Москвалыктар бизди жакшы кабыл алып, эл аспаптар оркестри он күн катары менен мекемелерди кыдырып концерт койгонбуз", — деди Жумалиев.
Декадага 1000ден ашык кыргызстандык катышып, маданий иш-чаралар он күнгө созулуп жогорку деңгээлде өткөн. Чыгармачыл инсандар "Токтогул" операсын, "Чолпон", "Анара" балеттерин, "Саринжи-Бөкөй", "Курманбек" драмасын, "Тар капчыгай" пьесасын сахнага койгон. Соңунда айрым маданият кызматкерлери жогорку сыйлыктарга татыган. Алсак, актер Муратбек Рыскулов, балерина Бүбүсара Бейшеналиева, опера ырчысы Сайра Кийизбаева СССРдин эл артисти болгон.
Кыргыз элинин каймактары: балетмейстер Уран Сарбагышев, опера ырчысы Мариям Махмутова, маданият министри Күлүйпа Кондучалова, СССРдин эл артисти Бүбүсара Бейшеналиева жана атактуу советтик композитор Тихон Хренников. Москва шаары, 1958-жыл.
Кыргыз ССРинин Министрлер Советинин төрагасы Казы Дыйканбаев, Компартиянын Борбордук комитетинин катчысы Исхак Раззаков, акын Насирдин Байтемиров жана драматург Токтоболот Абдумомунов. Москва шаары, 1958-жыл.
Солдон оңду карай: бала көтөрүп турган хор дирижеру Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаев. Декададагы дагы бир кызыктуу сүрөт.
![Опера жана балет театрында иштегендер Москвадагы театрда "Анар" балетин койгон - Sputnik Кыргызстан](https://sputnik.kg/img/07e7/0a/19/1079843934_0:0:3063:1833_600x0_80_0_1_51dbfac841f06b50dbe23a20bb958d63.jpg "Опера жана балет театрында иштегендер Москвадагы театрда "Анар" балетин койгон")
