Даректүү тасмаларды мыкты тарткан. Режиссёр Лиля Турусбекованын сүрөттөрү
Даректүү тасмаларды мыкты тарткан. Режиссёр Лиля Турусбекованын сүрөттөрү
Sputnik Кыргызстан
Быйыл белгилүү кинорежиссёр Лиля Турусбекованын 90 жылдыгы белгиленүүдө. Sputnik Кыргызстан маалымат агенттиги таланттуу киночунун сүрөттө калган ирмемдерин... 08.05.2023, Sputnik Кыргызстан
Лиля Турусбекова 1933-жылы 8-майда Фрунзе шаарында жарык дүйнөгө келген. Атасы атактуу жазуучу Жусуп Турусбеков фронттон көз жумганда ал тогуз жашта болгон. Борбор калаадагы мектепти аяктаган соң Москвадагы Мамлекеттик кинематография институтунун режиссёрлук факультетине тапшырып, кыргыз жаштарынын арасынан биринчилерден болуп ЖОЖду аяктап, мекенге кайтып келген. Жаш киночу 1955-жылдан баштап Фрунзедеги студияда эмгектенип, ал жакта 20дан ашык даректүү тасмаларды тарткан. 60-жылдары толук метраждуу кинофильмдерди тартуу менен алектенген. Турусбекова чыгармачылыгында жалпы 32 даректүү кинокартина тартып, "Советтик Кыргызстан" киножурналынын 65 чыгарылышын даярдаган. Ошондой эле башка кесиптештеринин тасмаларда редактору болгон. Кыргыз ССРинин маданиятына эмгек сиңирген ишмер 2001-жылы 68 жашында бул дүйнө менен кош айтышкан.Тема боюнча:— Жашоосун киного айланткан режиссер. Актан Арым Кубаттын сүрөттөгү ирмемдери— Айтматов кадырын салып ачык кадрларды калтырткан. "Биринчи мугалимдеги" ирмемдер
Быйыл белгилүү кинорежиссёр Лиля Турусбекованын 90 жылдыгы белгиленүүдө. Sputnik Кыргызстан маалымат агенттиги таланттуу киночунун сүрөттө калган ирмемдерин сунуштайт.
Лиля Турусбекова 1933-жылы 8-майда Фрунзе шаарында жарык дүйнөгө келген. Атасы атактуу жазуучу Жусуп Турусбеков фронттон көз жумганда ал тогуз жашта болгон. Борбор калаадагы мектепти аяктаган соң Москвадагы Мамлекеттик кинематография институтунун режиссёрлук факультетине тапшырып, кыргыз жаштарынын арасынан биринчилерден болуп ЖОЖду аяктап, мекенге кайтып келген. Жаш киночу 1955-жылдан баштап Фрунзедеги студияда эмгектенип, ал жакта 20дан ашык даректүү тасмаларды тарткан. 60-жылдары толук метраждуу кинофильмдерди тартуу менен алектенген. Турусбекова чыгармачылыгында жалпы 32 даректүү кинокартина тартып, "Советтик Кыргызстан" киножурналынын 65 чыгарылышын даярдаган. Ошондой эле башка кесиптештеринин тасмаларда редактору болгон. Кыргыз ССРинин маданиятына эмгек сиңирген ишмер 2001-жылы 68 жашында бул дүйнө менен кош айтышкан.
КРдин эл артисти, кинооператор Кадыржан Кыдыралиев, режиссёр Лиля Турусбекова, Кыргыз эл жазуучусу Бексултан Жакиев жана режиссёр Геннадий Базаров. Фрунзе шаары, 1974-жыл
Айтматовдун дачасында меймандар. Сүрөттө солдон оңду көздөй экинчи турган Санжарбек Данияров, андан кийин Лиля Турусбекова, Чыңгыз Айтматов, Керез Шамшыбаева, Шаршен Усубалиев, Валентина Исабаева. 1979-жыл
![Лиля Турусбекова туңгуч кыргыз айым режиссёрлорунун бири. Ал "Кыргызфильмде" алгачкылардан болуп иштеп жүргөн жылдар. Фрунзе, 1956-жыл - Sputnik Кыргызстан](https://sputnik.kg/img/07e7/05/08/1075127860_0:0:2048:2829_600x0_80_0_1_e7b0e13ce6f18d9ced48fc59f8653d4e.jpg "Лиля Турусбекова туңгуч кыргыз айым режиссёрлорунун бири. Ал "Кыргызфильмде" алгачкылардан болуп иштеп жүргөн жылдар. Фрунзе, 1956-жыл")
![Иш үстүндөгү таланттуу режиссёр кесиптеши менен. Турусбекова "Кыргызфильмде" 35 жылдан ашык эмгектенген - Sputnik Кыргызстан](https://sputnik.kg/img/07e7/05/08/1075128414_0:0:2200:1822_600x0_80_0_1_af90ade090613efe6660655b3185da4e.jpg "Иш үстүндөгү таланттуу режиссёр кесиптеши менен. Турусбекова "Кыргызфильмде" 35 жылдан ашык эмгектенген")
!["Кыргыз кереметин" баштоочулары Москвада. Алардын арасынан Геннадий Базаров, Төлөмүш Океев, Лиля Турусбекованы көрүүгө болот - Sputnik Кыргызстан](https://sputnik.kg/img/07e7/05/08/1075128598_0:0:2500:1539_600x0_80_0_1_19e5bfb6c69e24b08b75e242390fdf3a.jpg ""Кыргыз кереметин" баштоочулары Москвада. Алардын арасынан Геннадий Базаров, Төлөмүш Океев, Лиля Турусбекованы көрүүгө болот")
