Хамелеон менен жыландын кармашы. Кайдыгер калтырбаган видео

Жазылуу
НовостиTelegram
Түштүк Африкадагы жаратылыш паркынан туристтер жылан менен хамелеондун кармашын видеого тартып алышкан.
Окуя Крюгер паркында болгон.
Алгач бир топ эле ылдамдык менен сойлоп келе жаткан жыланды көрүүгө болот. Ал жолдун аркы четинен келип, каршы тарапта бейкапар турган хамелеонго кол салган. Анткен менен берки жаныбар да оңойлук менен алдырбай, экөөнүн кармаша кеткенин көрүүгө болот. Жылан эки ирет чабуул коюп, эмнегедир олжосун чырмап ороп кала албай бошотуп жиберүүгө аргасыз болгон. Ал арада бул окуяга туристтердин кайдыгер карай албаганын, кадр сыртынан чоңдордун да, балдардын да тынчсызданып хамелеонго жан тартып жатканын угууга болот. Видеодон кармаш бир топ эле оор болгондугу, жыланга жем болгусу келбеген берки жандыктын араң басып калганы байкалган. Анткен менен жылан олжосун толук жутуп же ороп алып кетпей, кур жалак калган. Видео уулуу жаныбардын жол жээгине чыга берген учуру менен аяктаган.
Жаңылыктар түрмөгү
0