Аскар Акаевге карата козголгон кылмыш иши токтотулду

© Sputnik / Александр Натрускин / Медиабанкка өтүүТунгуч президент Аскар Акаев. Архив
Тунгуч президент Аскар Акаев. Архив - Sputnik Кыргызстан, 1920, 13.01.2023
Жазылуу
НовостиTelegram
Аскар Акаев 2021-жылдын август айында Кыргызстанга биринчи жолу келип, сурак берген эле.
БИШКЕК, 13-янв. — Sputnik. Тунгуч президент Аскар Акаевге карата козголгон кылмыш иши токтотулду. Бул туурасында Башкы прокуратуранын маалымат кызматы билдирди.
Мурдагы мамлекет башчы Кумтөр алтын кенин ишке киргизүүдө бийлигинен же кызматынан кыянаттык менен пайдаланган, 1992-жылы "Камеко" компаниясы менен башкы макулдашуу түзүүдө жана 2003-жылы "Кумтөр" долбоорун реструктуризациялоодо шалаакылык кылган деп айыпталып жаткан.
Башкы прокуратура Акаевди кылмыш жоопкерчилигине тартуу мөөнөтү өтүп кеткендигине байланыштуу иш өндүрүштөн токтотулганын белгиледи.
Эске салсак, Аскар Акаев 2021-жылдын август айында 16 жылдан бери Кыргызстанга биринчи жолу келип, сурак берген. Андан кийин элге кайрылуу жасап, "Кумтөр" долбоору боюнча өкмөткө ишенип чечим кабыл ала бергенин айтып кыргызстандыктардан кечирим сураган.
Тунгуч президент Аскар Акаев. 2005 жыл - Sputnik Кыргызстан, 1920, 21.06.2022
Аскар Акаев: 2005-жылдагы мамлекеттик төңкөрүштү АКШ уюштурган
Жаңылыктар түрмөгү
0