Аскар Акаев: 2005-жылдагы мамлекеттик төңкөрүштү АКШ уюштурган

© AP Photo / IVAN SEKRETAREVТунгуч президент Аскар Акаев. 2005 жыл
Тунгуч президент Аскар Акаев. 2005 жыл - Sputnik Кыргызстан, 1920, 21.06.2022
Жазылуу
Yandex newsTelegram
Биринчи президенттин айтымында, Кыргызстан жакшы темп менен өнүгүп баратып 2000-жылдары көйгөй жаралган.
БИШКЕК, 21-июн. — Sputnik. Тунгуч президент Аскар Акаев 2005-жылдагы "Жоогазын революциясын" АКШ уюштурганын билдирди.
Ал казак тараптын чакыруусу менен келип Алматыдагы жогорку окуу жайлардын биринде сүйлөгөн.
Акаевдин айтымында, өткөн кылымдын 1990-жылдары Кыргызстан жакшы темп менен өнүгүп бараткан, бирок 2000-жылдары көйгөй жаралган. Ал "Жоогазын революциясын" АКШ тарабынан уюштурулган мамлекеттик төңкөрүш деп атады.
"Мен муну ачык эле айта алам. Себеби АКШнын элчиси Янг мырза ачыктан ачык эле, өзгөчө Грузиядагы жана Украинадагы революциядан кийин төңкөрүштөрдү Кошмо Штаттар уюштурганын айткан. Мен өлкөдөн чыгып кетип, балким, ката кетирген болушум мүмкүн. Көбү ушул жерде эле калышың керек болчу деп айтышат. Бирок мен өз атымды кан төгүүгө аралаштыргым келген жок. Андыктан өлкөдөн чыгып кетүүнү чечтим, анүчүн өкүнбөйм", — деди Акаев.
Белгилей кетсек, Аскар Акаев жубайы Майрам Акаева экөө 19-июнда Аль-Фараби атындагы Казак улуттук университетине келип, лекция окуган.
Кыргызстандын тунгуч президенти Аскар Акаев. Архив - Sputnik Кыргызстан, 1920, 21.12.2021
Аскар Акаев: эми мен Кыргызстанга каалаган учурда келип кете алам
Жаңылыктар түрмөгү
0