Гималайга аттанат. Кыргызстандык альпинисттердин экспедициясы 7-сентябрда башталат

© AFP / HOМанаслу тоосундагы альпинисттер. Архив
Манаслу тоосундагы альпинисттер. Архив - Sputnik Кыргызстан, 1920, 05.09.2022
Жазылуу
Кыргызстандык альпинисттер Гималайдагы Манаслу чокусун багындырууну ниет кылып турушат.
БИШКЕК, 5-сен. — Sputnik. Кыргызстандык альпинисттерден турган топ Гималайдагы Манаслу чокусуна чыгууга камынууда. Бул туурасында Альпинизм жана аскага чыгуу боюнча федерациянын президенти Эдуард Кубатов өзүнүн социалдык тармактагы баракчасына жазды.
Анын айтымына караганда, Непал бийлиги альпинисттердин 8 163 метрлик Манаслуга чыгуу демилгесин колдоп, уруксат берген.
"Бул — Гималайга бара турган кыргызстандык альпинисттердин биринчи экспедициясы", — деп жазган ал.
Жети альпинисттен турган экспедиция 7-сентябрда жөнөп кетмекчи. Алардын арасында КТРКнын мурдагы жетекчиси Илим Карыпбеков да бар.
Манаслу — Гималай тоолорунда орун алган, Непалдын борбордук бөлүгүнүн түндүгүндөгү ак кар, көк музга оронгон бийик чоку.
Кыргызстан тоолоруна чыккан италиялык альпинисттер - Sputnik Кыргызстан, 1920, 20.08.2022
Ак кар, көк муз баскан Ала-Тоодогу чет элдик альпинисттер. Архивдик ирмемдер
Жаңылыктар түрмөгү
0