https://sputnik.kg/20220902/tashievge-kaysy-emgegi-ychyn-baatyr-naamyn-berildi-1067468117.html
Жапаров Ташиевге кайсы эмгеги үчүн КР Баатыры наамын бергенин айтты
Жапаров Ташиевге кайсы эмгеги үчүн КР Баатыры наамын бергенин айтты
Sputnik Кыргызстан
Мамлекет башчы УКМК жетекчисинин Июнь окуясындагы эмгегин эске салып, бүгүнкү күндө дагы опол тоодой иштерди жасап жатканын белгиледи. 02.09.2022, Sputnik Кыргызстан
2022-09-02T10:33+0600
2022-09-02T10:33+0600
2022-09-02T15:36+0600
кыргызстан
саясат
камчыбек ташиев
эмгек
жасоо
https://sputnik.kg/img/07e6/09/02/1067479309_0:0:2836:1595_1920x0_80_0_0_1ab54ed8294ebcb8e9c8bf4c5dddabd7.jpg
БИШКЕК, 2-сен. — Sputnik. Президент Садыр Жапаров УКМК төрагасы Камчыбек Ташиевге кайсы эмгеги үчүн КР Эл Баатыры наамын берүүнү чечкенин айтты.Ал бүгүн сыйлык тапшыруу аземинин алдында сүйлөп, Ташиевдин 2010-жылдагы Июнь окуясында жасаган иштерин эске салды.Ошондой эле анын бүгүнкү күндө өлкөнүн коопсуздугун чыңдоо, чек араны бекемдөө жана күч органдарын реформалоо аракеттерин көз жаздымда калтырууга болбой турганын айтты."Анын буга чейин эл кызматында болуп, эл уулу атанткан иштери татыктуу бааланганын эл дагы туура көрүп жүрөт. Мындан сырткары, азырынча элге беймаалым, бирок менин көз алдымда турат, мамлекеттин кызыкчылыгы үчүн чейрек кылым бүтпөй келген зор иштерди бүтүрдү. Бул иштер азырынча сыр болуп турат, убагы келгенде кийинчерээк ачыктайм", — деди президент.Белгилей кетсек, Жапаров кечээ Ташиевге мамлекеттин жана Кыргызстан элинин алдында сиңирген өзгөчө эмгеги үчүн "Ак Шумкар" өзгөчө белгисин тапшыруу менен Кыргыз Республикасынын Баатыры артыкчылык даражасын ыйгарганы белгилүү болгон.
https://sputnik.kg/20220901/kyrgyzstan-batyrlar-ak-shumkar-infografika-1067445842.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, камчыбек ташиев, эмгек, жасоо
кыргызстан, саясат, камчыбек ташиев, эмгек, жасоо
Жапаров Ташиевге кайсы эмгеги үчүн КР Баатыры наамын бергенин айтты
10:33 02.09.2022 (Жаңыртылды: 15:36 02.09.2022) Мамлекет башчы УКМК жетекчисинин Июнь окуясындагы эмгегин эске салып, бүгүнкү күндө дагы опол тоодой иштерди жасап жатканын белгиледи.
БИШКЕК, 2-сен. — Sputnik. Президент Садыр Жапаров УКМК төрагасы Камчыбек Ташиевге кайсы эмгеги үчүн КР Эл Баатыры наамын берүүнү чечкенин айтты.
Ал бүгүн сыйлык тапшыруу аземинин алдында сүйлөп, Ташиевдин 2010-жылдагы Июнь окуясында жасаган иштерин эске салды.
"Эгемендүүлүктүн соңку жылдары бир топ оош-кыйыш күндөр, эл биримдигине бүлүк салган окуялар болуп кетти. Кара ниет, чагымчыл адамдар бир тууган элдин ортосуна жик салууга аракет кылышты. Ал кайгылуу окуялар менен дагы коштолду. Өлкө башына ошондой каран күн түшүп турган маалда кара башын канжыгага байлаган, жанын тобокелге салып чыр-чатакты токтотуп, эки элди жараштырган эр азаматтарыбыз болду. Кээ бир өзүн баатыр сезгендер ал жакка бармак түгүл караандары көрүнгөн эмес. Жаңжалды токтотуп, эки элди элдештирүүдө сап башында бүгүнкү УКМК төрагасы Камчыбек Ташиев турганын эч ким тана албайт. Муну мен өз көзүм менен көрүп, ошол окуяларга катышкан адам катары айта алам", — деди Жапаров.
Ошондой эле анын бүгүнкү күндө өлкөнүн коопсуздугун чыңдоо, чек араны бекемдөө жана күч органдарын реформалоо аракеттерин көз жаздымда калтырууга болбой турганын айтты.
"Анын буга чейин эл кызматында болуп, эл уулу атанткан иштери татыктуу бааланганын эл дагы туура көрүп жүрөт. Мындан сырткары, азырынча элге беймаалым, бирок менин көз алдымда турат, мамлекеттин кызыкчылыгы үчүн чейрек кылым бүтпөй келген зор иштерди бүтүрдү. Бул иштер азырынча сыр болуп турат, убагы келгенде кийинчерээк ачыктайм", — деди президент.
Белгилей кетсек, Жапаров кечээ Ташиевге мамлекеттин жана Кыргызстан элинин алдында сиңирген өзгөчө эмгеги үчүн "Ак Шумкар" өзгөчө белгисин тапшыруу менен Кыргыз Республикасынын Баатыры артыкчылык даражасын
ыйгарганы белгилүү болгон.
