Күн кайра катуу ысыйбы? Дем алышка карата аба ырайы

© Sputnik / Виталий Белоусов / Медиабанкка өтүүЫсыкта кол чатыр кармап бараткан аял. Архивдик сүрөт
Ысыкта кол чатыр кармап бараткан аял. Архивдик сүрөт - Sputnik Кыргызстан, 1920, 11.08.2022
Жазылуу
Көпчүлүк аймактарда абанын температурасы 30 градустан жогору болот.
БИШКЕК, 11-авг. — Sputnik. Кыргызгидромет апта аягындагы эки күнгө карата аба ырайынын божомолу тууралуу маалымат берди.
Жуманын этегинде айрым жерлерде жаан жааса, кээ бир аймактарда күн ачык болору айтылды. Бишкек шаарында жаан-чачын күтүлбөйт.

Чүй, Талас облустары

13-августта күндүз Чүйдүн кээ бир райондоруна жамгыр себелеши ыктымал. Жекшембиде күн ачык болот. Абанын температурасы 32...34 градус жылуу болору болжолдонууда. Ал эми Таласта апта аягында жамгыр жаабайт. Күндүн табы 30 градуска чейин жетет.

Ош, Баткен, Жалал-Абад облустары

Ош облусунда 14-августта жамгыр жаашы ыктымал. Ишембиде жаан-чачын күтүлбөйт. Күн ачык болору айтылды. Абанын температурасы 36 градуска чейин жогорулайт. Ал эми Баткен менен Жалал-Абадда дем алыш күндөрү жамгыр жаабайт, күндүн табы 34...36 градуска чейин ысышы ыктымал.

Нарын, Ысык-Көл облустары

Ысык-Көлдө 13-августта өткүн өтүшү мүмкүн. Бирок жекшемби, 14-августта, күн ачылып, абанын температурасы 32 градуска чейин ысыйт. Чолпон-Ата, Каракол шаарларында жаан-чачын болбойт.
Тоолуу Нарын жергесинде абанын температурасы 29...31 градуска чейин ысып, жаан-чачын күтүлбөйт. 14-августта күндүз тоолуу жерлерде өткүн өтүшү ыктымал.
Ысык-Көлдөгү Ак-Кеме теплоходу - Sputnik Кыргызстан, 1920, 07.08.2022
Кайсы аймакта жаан көп жаайт? Алдыдагы аптага аба ырайы
Жаңылыктар түрмөгү
0