Бишкек — Ош жолун кар күрткүдөн тосууга Япония 9 млн. доллар грант берет

© Фото / пресс-служба МЧС КРБишкек — Ош унаа жолу. Архив
Бишкек — Ош унаа жолу. Архив - Sputnik Кыргызстан, 1920, 29.06.2022
Жазылуу
Yandex newsTelegram
Бардык материалдар Япониядан алынып, тосмону орното турган адистер да кошо келет.
БИШКЕК, 29-июн. — Sputnik. Бишкек — Ош унаа жолунун Төө-Ашуу жана Ала-Бел тилкелерин кар күрткүдөн тосуу үчүн япон өкмөтү грант түрүндө 1 миллиард 34 миллион иен (9 миллион доллар) берет. Бул тууралуу транспорт жана коммуникация министринин орун басары Таабалды Тиллаев парламентте билдирди.
Анын айтымында, трассанын 125-129 жана 216-222-чакырымдарына тосмолорду орнотуу долбоорлоштурулган.
"Япониядан келген адистер ашуулардагы кар массасынын топтолушу боюнча изилдөө жүргүзүштү. Анын натыйжасында аталган тилкелерге кар тосмолорун, визуалдык көрсөткүчтөрдү орнотуу сунушталды. Космостук жана жаңы технологиялар менен 1,5 жыл изилдөө жасалды. Тосмолор акыркы үлгүдөгү япон технологиясы менен курулат. Бардык материалдар Япониядан алынып, адистер да кошо келет", — деди Тиллаев.
Ошондой эле ал 2016-2021-жылдар аралыгында Төө-Ашуу менен Ала-Белде кар күрткүнүн кесепетинен 65 жолу унаа каттамы токтотулганын билдирди. Ошондой эле жолду тазалоо учурунда жолчуларга да кыйынчылык жаратарын белгиледи.
Индиянын желеги. Архив - Sputnik Кыргызстан, 1920, 22.06.2022
Индия Кыргызстандын социалдык тармактарын өнүктүрүүгө ири суммада грант берет
Жаңылыктар түрмөгү
0