Индия Кыргызстандын социалдык тармактарын өнүктүрүүгө ири суммада грант берет

© AFP 2022 / PRAKASH SINGHИндиянын желеги. Архив
Индиянын желеги. Архив - Sputnik Кыргызстан, 1920, 22.06.2022
Жазылуу
Yandex newsTelegram
Бүгүн парламентте бир эле долбоордун ратификациясы каралды, алдыда жылына беш-алты долбоорду ишке ашыруу пландалууда.
БИШКЕК, 22-июн. — Sputnik. Индия Кыргызстанга 126,3 миллион сомдук грант берет. Аталган макулдашууну ратификациядан өткөрүү үчүн экономика жана коммерция министринин орун басары Чоро Сеитов парламентке алып келди.
Каражат билим берүү, медициналык билим берүү, айыл чарба, агроөнөр жай, энергияны кайра жаратуу, соода, транспорт жана байланыш багыттарына жумшалат. Мисалы, мектептерди, бала бакчаларды жабдууга, региондогу ооруканаларга, бейтапканаларга жабдыктарды, санариптик каражаттарды алууга сарпталат.
"Индия өкмөтү бир долбоорго 1,5 миллион доллардан бөлөт. Биз жылына беш-алты долбоорду ишке ашырууну пландап жатабыз. Индиянын Кыргызстандагы элчилигине гранттык жардам алууга табыштама жөнөттүк", — деди Сеитов.
Ошондой эле ал ратификациялоо мыйзамын бир эле учурда үч окуудан карап берүүнү суранды. Натыйжада маселе каралып, добуш берүүгө жөнөтүлдү.
Электробустар. Архив - Sputnik Кыргызстан, 1920, 15.06.2022
Бишкекке 120 электробус алуу үчүн Азия өнүктүрүү банкы 50,6 млн. доллар бөлөт
Жаңылыктар түрмөгү
0