Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Геннадий Базаровдун 80 жылдыгына арналды. Бишкекте эл аралык кинофестиваль өтүүдө

© Sputnik / Табылды КадырбековКР эл артисти Геннадий Базаров. Архив
КР эл артисти Геннадий Базаров. Архив - Sputnik Кыргызстан, 1920, 20.06.2022
Жазылуу
Yandex newsTelegram
Маданият министрлиги IFES долбоорлоруна катышууну сунуштап, 2016-жылдан тарта кинофестивал эл аралык макамына ээ болгон.
БИШКЕК, 20-июн. — Sputnik. Бишкек шаарында жаш киночулардын "Үмүт" эл аралык XIX кинофоруму өтүп жатат. Бул тууралуу фестивалдын программалык директору, кинотаануучу Гүлбара Төлөмүшова Sputnik Кыргызстан агенттигинин маалымат борборунда өткөн брифингде билдирди.
© Sputnik / Табылды КадырбековКинотаануучу Гүлбара Төлөмүшова
программный директор форума молодого кино стран СНГ Умут, киновед Гульбара Толомушова - Sputnik Кыргызстан, 1920, 20.06.2022
Кинотаануучу Гүлбара Төлөмүшова
"19-июндан 23-июнга чейин Бишкекте КМШ өлкөлөрүнүн онунчу "Үмүт" жаш кинематографисттер форуму өтүүдө. Иш-чараны Москвада жайгашкан Мамлекеттер аралык гуманитардык кызматташтык фонду (IFHC) колдоого алган. Бул — постсоветтик өлкөлөр арасында ЮНЕСКО сыяктуу уюм", — деди Төлөмүшова.
Анын айтымында, алгачкы форум жергиликтүү деңгээлде өтүп, ага кыргызстандыктар гана катышкан. Кийин Маданият министрлиги IFES долбоорлоруна катышууну сунуштап, 2016-жылдан тарта кинофестивал эл аралык макамга ээ болгон.
Төлөмүшова иш-чара КР эл артисти Геннадий Базаровдун 80 жылдык мааракесине арналып жатканын, ал ачылыш аземдин ардактуу коногу болорун белгиледи.
Форумдун программасы эки сынакты камтыйт:
улуттук — 16 фильм, дипломдук иштер жана студенттердин эмгектери;
эл аралык — 15 фильм, анын ичинде Армения, Азербайжан, Россия, Тажикстан, Казакстан, Өзбекстан жана Кытай режиссерлорунун тасмалары камтылган.
Эске салсак, форумдун ачылыш жана жабылыш аземи "Ала-Тоо" кинотеатрында жана "Дордой Плаза" соода борборунда 20-23-июнь күндөрү өтөт.
Sputnik Кыргызстан маалымат агенттиги жана радиосу форумдун расмий медиаөнөктөшү болуп саналат.
Режиссер Дастан Жапар уулу. Архив - Sputnik Кыргызстан, 1920, 14.06.2022
Радио
Жапар уулу: Чувашиядагы фестивалда "Акыркы көчтүн" сценарийи мыкты деп табылды
Жаңылыктар түрмөгү
0