Садыр Жапаров Атамбаев тууралуу: мага кыянаттык кылгандардын баарын кечиргем

© Фото / Фотохост-агентство / Фотобанкка өтүүVурдагы президент Алмазбек Атамбаев. Архив
Vурдагы президент Алмазбек Атамбаев. Архив - Sputnik Кыргызстан, 1920, 25.03.2022
Жазылуу
Yandex newsTelegram
Жапаров Алмазбек Атамбаев жөнүндө ызы-чууну бүгүн укканын соцтармактагы баракчасына жазды.
БИШКЕК, 25-мар. — Sputnik. Садыр Жапаров камакта жаткан мурдагы президент Алмазбек Атамбаевдин айланасындагы окуя боюнча үн катты.
Эске салсак, 23-март күнү жактоочу Замир Жоошев Атамбаевди абактан күч колдонуу менен Биринчи май райондук сотуна алып келгенин билдирген. Анын айтымында, № 47 колониянын кызматкерлери аны абактан футболка, ич кийимчен мажбурлап алып чыгып конвоирлерге өткөрүп берген. Эртеси Атамбаевдин тарапташтары ага жасалган мамилеге нааразы болуп түрмөнүн алдында митинг уюштурган.
Жапаров Алмазбек Атамбаев жөнүндө ызы-чууну бүгүн укканын соцтармактагы баракчасына жазды.
"Бийлик буйрутма берип, ушундай кылып өч алып жатат" деген сөздөр болуптур. Мага кыянаттык кылгандардын баарын кечиргем. Алардын арасында Атамбаев дагы бар. Ал сөзүмдү жалпы эл алдында жарыялагам. Сөзүмдү кайра артка албайм. Өч алуу табиятыма дал келбейт. Айтайын дегеним башка. Мыйзам алдында баарыбыз бирдейбиз. Сот жоопкерчилигине тартылып жатасыңбы? Сотко бар. Ак экениңди далилде. Мен да камалгам, мен да сотко баргам. Эч качан каршылык көрсөтүп, соттон качкан эмесмин. Мыйзамга, тартипке баш ийгем. Баарыбыз мыйзамга баш иели. Ошондо өлкөдө тартип болот. Учурдан пайдаланып ишти карап жаткан сот, прокурорлордон суранып кетет элем. Буйрук бергенге укугум жок. Ошондуктан суранып жатам. Эгер мүмкүн болсо, сот процесстерин жабык эмес, ачык өткөрсөңүздөр болмок", — деди Жапаров.
Ал ошондой эле сот процессине журналисттер, блогерлер катышып түз эфир жасаса эл назар салып турмактыгын кошумчалады.
Кыргызстандын мурдагы президенти Алмазбек Атамбаев. Архив - Sputnik Кыргызстан, 1920, 25.03.2022
Акыйкатчынын өкүлү № 47 абакка барып Алмазбек Атамбаевдин абалы менен таанышты
Жаңылыктар түрмөгү
0