Жип чырмаган китти бошотушту. Жүрөк жылыткан видео

Жазылуу
АКШнын Атмосфераны жана океанды изилдөө боюнча улуттук борборунун океанологдору (NOAA) Гавай аралдарынын аймагынан китти тордун "туткунунан" бошотту. Анткен менен куткаруу операциясы узакка созулган эмес, бирок ага даярдык көп мезгилди талап кылган.
Бул туурасында "National Geographic Россия" сайты жазды.
Эркин кыймылдай албаган энесинин жанында кичинекей баласы жана эркек түгөйү калбай сүзүп жүргөн.
АКШда киттерге жөнөкөй жарандардын жакындоосуна тыюу салынгандыктан, куткаруучулар алгач тиешелүү тараптан уруксат кагазын алышкан. Андан соң гана бул ири жаныбарды өлүмдүн оозунан сууруп алууга киришкен.
Атайын жабдуулардын жардамы менен кит тордон бошонуп эркиндикке чыккан. Куткаруучулар кийин абай салып карап, ал 152 метр кадимки жипке жана 10 метр балык уулаган атайын жипке оролуп калганын эсептеп чыгышкан.
Адамдар өмүрүн сактап, чырмап турган нерседен бошоткондон кийин жаныбар үй-бүлөсү менен жолун андан ары улаган.
"Бошогонун сезген кит чабалактабай тынчып, жакын жолой албай жаткан баласы жанына ыктап сүзүп жөнөшкөн. Кезектеги аракети менен куткаруучулар ири суу жаныбарын өлүмдөн сактап калды", — деп жазылган маалыматта.
Мындан мурун адамдардын жоопкерчиликсиздигинен жабыркап, жок болуу алдында турган ири китти дал эле ошол адамзат, адистер сактай албай алакан жайып, аргасыз абалда калган видео жарыяланган.
Тема боюнча:
Жырткычка окшош. Сейрек кездешүүчү медуза видеого түшүп калды
Пингвиндин таң калтырган селфиси же суу алдындагы кызык жашоо. Видео
Индонезияда крокодилдин мойнундагы дөңгөлөк алты жылдан кийин алынды. Видео
Жаңылыктар түрмөгү
0