Салык органдары күчөтүлгөн тартипте иштей баштады

© Фото / пресс-служба ГНС КРСалык кызматындагы жаран. Архив
Салык кызматындагы жаран. Архив - Sputnik Кыргызстан, 1920, 20.01.2022
Жазылуу
Yandex newsTelegram
Президент Садыр Жапаров Салык кодексине 18-январь күнү кол койду. Бул документ салык системасынын туруктуулугун камсыздоону, салыктарды оптималдаштырууну көздөйт.
БИШКЕК, 20-янв. — Sputnik. Кыргызстанда жаңы Салык кодекси кабыл алынганына байланыштуу салык органдары күчөтүлгөн режимде иштей баштады. Бул тууралуу ведомствонун өзүнөн кабарлашты.
"Бекитилген графикке ылайык, салык органдарынын "бирдиктүү терезелери", Бишкектеги Ишкерлерди тейлөө борбору иш күндөрү саат 23:00гө чейин, дем алыш күндөрү саат 9:00дөн 18:00гө чейин иштейт", — деп айтылат билдирүүдө.
Белгилей кетсек, салык төлөөчүлөр ушул жылдын 28-январына чейин катталган жери боюнча салык режимин тандоо жөнүндө арыз менен кайрылышы керек. Салык режимин тандоо жөнүндө арыз бербегендер жалпы режиминин негизинде салык төлөөчү болуп таанылат. Толук маалыматты 116 номеринен же жергиликтүү салык органдарынан алууга болот.
Эске салсак, президент Садыр Жапаров Салык кодексине 18-январь күнү кол койду. Бул документ салык системасынын туруктуулугун камсыздоо, салыктарды администрациялоону оптималдаштыруу, салыктык жол-жоболорду санариптештирүү, ишкерликти жүргүзүүдө бирдей шарттарды түзүү жана көмүскө экономиканы кыскартуу максатын көздөйт.
Андагы жаңы учурлар менен да таанышып алыңыз.
Акылбек Жапаров ишкерлер менен жолугушу учурунда - Sputnik Кыргызстан, 1920, 12.01.2022
Бийлик кассалык аппарат боюнча шарттарды ишкерлер менен чогуу иштеп чыкмай болду
Жаңылыктар түрмөгү
0