https://sputnik.kg/20211221/ysyk-atada-mektep-zhok-ata-ene-kayryluu-1060614762.html
Ысык-Атада балдар айыл өкмөт, ЗАГС, бала бакчада окуп жатышат. Видео
Ысык-Атада балдар айыл өкмөт, ЗАГС, бала бакчада окуп жатышат. Видео
Sputnik Кыргызстан
Ысык-Ата районунун Ивановка айылындагы №3 башталгыч мектеп авариялык абалда турат. Мындан улам 2019-жылы эшигин жаап, окуучулар бош имараттарга эптеп... 21.12.2021, Sputnik Кыргызстан
2021-12-21T20:16+0600
2021-12-21T20:16+0600
2021-12-22T10:09+0600
кыргызстан
коом
мектеп
курулуш
ысык-ата району
билим берүү
ивановка айылы
окуучу
видео
https://sputnik.kg/img/07e5/0c/15/1060618588_0:0:1280:720_1920x0_80_0_0_9792641426a2ddd3e0ad0bcab7ee82c0.jpg
2017-жылы төрт бөлмөлүү кошумча корпус салынган. Анда 338 бала окуса, айыл өкмөттүн жыйындар залына 114 окуучу киргизилген. Мурдагы ЗАГС имаратына 84 бала жайгашты. Бул жер Дүйшөндүн мектебин эске салат. Ал эми бала бакчанын бир бөлмөсүн алып, 46 балага билип берип жатышат.Билим уясынын тардыгынан үч смена менен окушат, андыктан сабак саат 8:00дө башталып, 18:00дө бүтөт. Окуучуларга башка мектептердегидей тамак дагы берилбейт. Бул жерде 4-класска чейин гана окуп, андан кийин башка мектептерге кетишет.Ата-энелердин бири Зеби Кудайбердиева балдары коопсуз жерде окуса үйдө тынч отурмактыгын айтты.Дүйшөндүн мектебин эске салган мурдагы ЗАГС имаратында Аиша Жайлооеванын кызы окуйт.Ивановка айылындагы №3 башталгыч мектеп 1927-жылы курулган. Эскилиги жетип дубалдарынан жарака кетип, шыбы түшөйүн деп калган. Мугалимдердин, ата-энелердин, окуучулардын көксөгөнү — жаңы мектеп.Мектеп директору Гүлжан Абдыназарованын айтымында, 150 орунга ылайыкташкан жаңы билим уясынын курулушу 2018-жылы башталган. Жалпы сметасы 51 миллион сом, 2020-жылга чейин 20 миллион сом бөлүнүп үстү жабылган. Кийинки жылкы бюджеттен 8 миллион сом каралары күтүлүүдө. Бирок аны менен да маселе чечилбейт.Ал эми Ивановка айыл өкмөтүнүн башчысы Мээрим Мадиярова мектептин курулушун бүткөрүү өтүнүчү менен бийлик органдарына бир нече ирет кайрылганын билдирди. Азырынча алгылыктуу жооп келе элек. Буга чейин ата-энелер да социалдык тармактар аркылуу президент Садыр Жапаровго кайрылышкан.
ысык-ата району
ивановка айылы
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
кыргызстан, коом, мектеп, курулуш, ысык-ата району, билим берүү, ивановка айылы, окуучу, видео
кыргызстан, коом, мектеп, курулуш, ысык-ата району, билим берүү, ивановка айылы, окуучу, видео
Ысык-Атада балдар айыл өкмөт, ЗАГС, бала бакчада окуп жатышат. Видео
20:16 21.12.2021 (Жаңыртылды: 10:09 22.12.2021) Ысык-Ата районунун Ивановка айылындагы №3 башталгыч мектеп авариялык абалда турат. Мындан улам 2019-жылы эшигин жаап, окуучулар бош имараттарга эптеп жайгашкан. Учурда 582 бала шарты начар ар кайсы жайларда билим алууда.
2017-жылы төрт бөлмөлүү кошумча корпус салынган. Анда 338 бала окуса, айыл өкмөттүн жыйындар залына 114 окуучу киргизилген. Мурдагы ЗАГС имаратына 84 бала жайгашты. Бул жер Дүйшөндүн мектебин эске салат. Ал эми бала бакчанын бир бөлмөсүн алып, 46 балага билип берип жатышат.
Билим уясынын тардыгынан үч смена менен окушат, андыктан сабак саат 8:00дө башталып, 18:00дө бүтөт. Окуучуларга башка мектептердегидей тамак дагы берилбейт. Бул жерде 4-класска чейин гана окуп, андан кийин башка мектептерге кетишет.
Ата-энелердин бири Зеби Кудайбердиева балдары коопсуз жерде окуса үйдө тынч отурмактыгын айтты.
"Айыл өкмөткө ар кайсы жерден ар кандай адамдар келет, балдарыбыз ошолор менен күнүгө кездешип жатпайбы. Анын баары түз адамдар деп кепилдик бере албайбыз да. Кайсы учурда, балдарыбызды каяктан уурдап кетет? Окууга жиберип алып да үйдө коркуп отурабыз. Короосу тосулган эмес, трассага чуркап кетиши мүмкүн. Бул жерде кароол жок", — деди Кудайбердиева.
Ысык-Ата районунун Ивановка айылындагы №3 башталгыч мектеп авариялык абалда турат
Мындан улам 2019-жылы эшигин жаап, окуучулар бош имараттарга эптеп жайгашкан
Учурда 582 бала шарты начар ар кайсы жайларда билим алууда
2017-жылы төрт бөлмөлүү кошумча корпус салынган
Анда 338 бала окуса, айыл өкмөттүн жыйындар залына 114 окуучу киргизилген.
Ысык-Ата районунун Ивановка айылындагы №3 башталгыч мектеп авариялык абалда турат
Мындан улам 2019-жылы эшигин жаап, окуучулар бош имараттарга эптеп жайгашкан
Учурда 582 бала шарты начар ар кайсы жайларда билим алууда
2017-жылы төрт бөлмөлүү кошумча корпус салынган
Анда 338 бала окуса, айыл өкмөттүн жыйындар залына 114 окуучу киргизилген.
Дүйшөндүн мектебин эске салган мурдагы ЗАГС имаратында Аиша Жайлооеванын кызы окуйт.
"Кызым биринчи сменада окуйт. Эртең менен саат 7:30да үйдөн чыгышат, 8:00дө окуу башталат. Ошондой караңгыда келишет. Үчүнчү сменада кошунамдын кызы окуйт, ал үйүнө кечинде, караңгы кирип калганда барат. Бул жерде мугалимдерге да кыйын болууда. Саат сайын ар башка жерге барып сабак өтүшөт", — деди Жайлооева.
Ивановка айылындагы №3 башталгыч мектеп 1927-жылы курулган. Эскилиги жетип дубалдарынан жарака кетип, шыбы түшөйүн деп калган. Мугалимдердин, ата-энелердин, окуучулардын көксөгөнү — жаңы мектеп.
Мектеп директору Гүлжан Абдыназарованын айтымында, 150 орунга ылайыкташкан жаңы билим уясынын курулушу 2018-жылы башталган. Жалпы сметасы 51 миллион сом, 2020-жылга чейин 20 миллион сом бөлүнүп үстү жабылган. Кийинки жылкы бюджеттен 8 миллион сом каралары күтүлүүдө. Бирок аны менен да маселе чечилбейт.
Ал эми Ивановка айыл өкмөтүнүн башчысы Мээрим Мадиярова мектептин курулушун бүткөрүү өтүнүчү менен бийлик органдарына бир нече ирет кайрылганын билдирди. Азырынча алгылыктуу жооп келе элек. Буга чейин ата-энелер да социалдык тармактар аркылуу президент Садыр Жапаровго кайрылышкан.
