Өзү да сезбей калды. Арстандарга капыстан жем болгон камандын видеосу

Жазылуу
Yandex newsTelegram
Чак түштө туристтер көп жүрө бербеген жолдо кыдыңдап чуркап келе жаткан каман жырткычка кантип жем болгонун өзү да түшүнбөй калды.
Жаратылышка байкоо салып жүргөн эс алуучулар үчүн да күтүүсүз окуя Түштүк Африкадагы Крюгер паркында болгон.
Видеону Шеннон Финнеган аттуу турист тарткан.
"Аптапта көптөр жүрө бербеген жолго салып, сафариде баратканбыз. Болжол менен эки саат өткөндөн кийин арстандарды көрүп калып, артынан ээрчип жүрүп отурдук. Алардын бири — бир топ тажрыйбалуу, ургаачы, ал эми экинчиси эркек, жаш арстан экен. Алардын артынан сааттап байкоо салып жүрө бериш кызыксыз болуп баратканда бир окуя болду. Кайдан-жайдан ал жолдо каман пайда болгондо, жырткычтар ага кол салууга камына баштады", — деп баяндап берген Шеннон.
Ажалы жок экен. Буйволдор каманды арстандардын азуусунан алып калган видео - Sputnik Кыргызстан, 1920, 12.08.2020
Ажалы жок экен. Буйволдор каманды арстандардын азуусунан алып калган видео
Видеодон арстандардын дароо жолдун четине чөптөрдүн арасына бугуп калганын көрүүгө болот. Шамал жырткычтар жакка уруп жаткандыктан каман коркунучтан жыт албай, эч нерседен кам санабай кедеңдеп, куйругун чамгарактата чуркап келе жатканынан туристтер көз албай карап турган.
Бир учурда жол четинен жаш арстандын башы көрүнө калганда жалт бере чуркаган чочкону экинчи карылуу арстан дал тушуна келе түшкөндө бугуп жаткан жеринен аткан октой ыргып чыгып баса калып, башын чайнап жиберген. Каман эмне болгонун түшүнүүгө чамасы жетпей калганы кадрдан көрүнүп турат. Экөөлөп жиберген жырткычтар капыстан келген олжосун туристтердин көзүнөн далдаа, жол жээгиндеги чөптү көздөй сүйрөп кеткен.
Жаңылыктар түрмөгү
0