БИШКЕК, 22-авг. — Sputnik. Августтун акыркы айларында өтө турган XIV Эл аралык айтышка катыша турган сегиз акын аныкталганын "Айтыш" коомдук фондунун теңтөрагасы Асылбек Маратов тастыктады.
Анын айтымында, буга чейин өткөн тандоо турунда баш-аягы 44 акын катышкан. Катардан озуп, жогорку упай алгандардын тизмеси жарыяланды.
- Амантай Кутманалиев — 70 упай;
- Баян Акматов — 70 упай;
- Акматбек Султан уулу — 70 упай;
- Асылбек Маратов — 70 упай;
- Жылдызбек Төрөканов — 70 упай;
- Турат Жумаев — 69 упай;
- Кубат Тукешов — 69 упай;
- Мундузбек Борончуев — 69 упай.
Кыргызстандын эгемендүүлүгүнүн 30 жылдыгына арналган акындар сынагын Маданият, маалымат, спорт жана жаштар саясаты министрлиги Республикалык "Айтыш" коомдук фонду менен биргеликте уюштурууда.
Эгемендүүлүк майрамынан тышкары, бул иш-чара аталган фонддун 20 жылдыгына, Көкө уулу Өтө (Жеңижок) акындын 160 жылдыгына жана казак акыны Жамбыл Жабаевдин 175 жылдыгына арналат.
Байге фонду 3 миллион сом.
