Баткак соруп бараткан пилди адамдар куткарып калды. Окуянын сүрөт, видеосу
09:37 07.07.2021 (Жаңыртылды: 14:27 14.12.2021)
© YouTube / Pets and Animals
Жазылуу
Кениядагы Исиоло округунун аймагында баткакка бүт денеси менен батып кеткен пилди ошол жердеги адамдар сууруп чыгып, өлүмдөн алып калды.
Окуяны жергиликтүү ветеринар-хирург Киран Эйвери айтып бергендигин "National Geographic Россия" сайты жазды.
Баткак улам соруп бара жаткан ургаачы пилди көптөп жатып сууруп алышкан. Анын сүрөттөрү социалдык тармакка жарыяланды.
Another incredible community conservancy elephant rescue! Repost by NRT Director Kieran Avery.
— Wildfriends Africa (@WildfriendsUG) February 15, 2021
“Yesterday was an epic... This poor mum [elephant] ended up stuck in that well for 24 hours - what looked like a simple rescue turned out to be a serious challenge" Kieran Avery. pic.twitter.com/SzO151hJnN
Ири жаныбардын капсалаңга кабылганын көргөн жергиликтүү эл жаратылышты коргоочуларга кабарлаган. Мындай окуяга күбө болуп жүргөн куткаруучулар трактор жана керектүү буюм-тайымдарды кошо ала келишкен. Алар пилди жазы курлар менен арчындап чыгышкан. Доктор Эйверинин айтымында, ыңгайын таап таңбаса, коркуп кеткен жаныбар чиренип же буттарын кергенде адамдар жаракат алып, ал тургай техника талкаланып да калышы мүмкүн.
Images by @kieranavery.
— @nrt_kenya (@NRT_Kenya) June 18, 2021
Another incredible rescue of a young female elephant stuck in thick mud by our team, @kwskenya, @loisaba_conservancy and community members in Nannapa Conservancy, Oldonyiro. #rescue #elephants #ele #NorthernKenya #saveelephants pic.twitter.com/sQI0bas27q
Алп жаныбарды куткаруу операциясы бир жарым сааттай созулган. Адистердин айтымына караганда, пил ал жерде бир суткадай жатып, баткак акырындап соро баштаган. Адамдар куткаргандан кийин пил түз эле үйүрүнө, токойду карай кеткен.
