Радиостудия Sputnik Кыргызстан в Бишкеке - Sputnik Кыргызстан, 1920
Радио

Колубаева: уйкусуздук, аутизмден мээни коррекциялоо менен арылса болот

© Sputnik / Табылды КадырбековКурортология жана калыбына келтирүү илим-изилдөө институтунун балдар бөлүмүнүн башчысы Жаркын Колубаева
Курортология жана калыбына келтирүү илим-изилдөө институтунун балдар бөлүмүнүн башчысы Жаркын Колубаева - Sputnik Кыргызстан, 1920, 01.07.2021
Жазылуу
Курортология жана калыбына келтирүү илим-изилдөө институтунун балдар бөлүмүнүн башчысы Жаркын Колубаева мээни биоакустикалык коррекция ыкмасы Кыргызстанда жеке клиникаларда гана жасаларын айтты.
Биоакустикалык коррекция (БАК) методу Россиянын медицина илимдер академиясынын эксперименталдык медицина институтунун физиология бөлүмүнүн нейрофизиологдору тарабынан иштелип чыккан. Ыкманын өзөгү электроэнцефалограмманын синхрондуу үнгө айлануусуна негизделип, ал бейтапка мээнин электрдик активдүүлүгүн музыка сыяктуу сигнал түрүндө кабыл алууга мүмкүндүк берет. Бул тууралуу Жаркын Колубаева Sputnik Кыргызстан радиосунун эфиринде билдирди.
Колубаева: уйкусуздук, аутизмден мээни коррекциялоо менен арылса болот
Анын айтымында, БАК-терапиясынын натыйжалуулугу Россиянын эң абройлуу медициналык мекемелеринде 25 жылдык изилдөөлөр менен тастыкталган. Аталган ыкма клиникалык сыноолордон өтүп, Москва жана Санкт-Петербург шаарынын бир катар алдыңкы медициналык мекемелеринде колдонулат.
"Биоакустикалык коррекция – бул дарылоонун жаңы ыкмасы. Ал борбордук нерв тутумунун функционалдык бузулуусун, мээнин кан тамыр ооруларын, нейроинфекцияларынын кесепеттерин жоюу үчүн колдонулат. Ошондой эле невротикалык жана психосоматикалык дарттарды дарылоодо да натыйжа берет. Мээ денебиздеги бардык процесстерди башкарып турат. Андыктан анын иштешинин бузулушу башка органдардан байкалышы мүмкүн. Мээнин ишинде кандайдыр бир бузулуу болгондо электроэнцефалограмма (ЭЭГ) нормадан четтеп кетет. Биоакустикалык ыкма мына ушул илдетти дарылоо үчүн добуштарды колдонот. Сөздүн түз маанисинде айтканда, БАК адамга мээсинин музыкасын угууга мүмкүнчүлүк берет. Механизм биокайтарым принцибине негизделген. БАК аркылуу мээ өзү ишин жөндөй баштайт да, андагы процесстер иретке салынат жана калыбына келет. Аталган терапия жаңы төрөлгөн ымыркайдан тарта улуу курактагыларга чейин сунушталат. Эч кандай зыяны жок. Алсак, аталган ыкма балдар арасында гиперактивдүүлүк синдрому, сүйлөөнүн кечеңдеши, аутизм, невроз, энурез жана уйкунун бузулушу сыяктуу ооруларды натыйжалуу айыктырат", — деди Колубаева.
Адис БАК-терапиясынын ар бир сеансы 15-20 мүнөткө созуларын жана бейтап 10-15 процедурадан өтүшү керектигин кошумчалады.
Подкасттын толук версиясын видеодон көрүңүз:
Жаңылыктар түрмөгү
0
Алгач жаңыларыАлгач эскилери
loader