АКШнын Түндүк Каролина штатында полиция кызматкерлери тизелеп туруп, кара терилүү диний кызматкерлердин – пастордун бутун жууду. Бул туурасында "Известия" ABC11 телеканалына таянып жазды.
Кадрдан отургучта аял жана эркек – эки афроамерикалыкты жана алардын алдында тизелеп бир нече кишилердин отурганын көрүүгө болот.
Пастордун бири дубасын окуп, алгач баары чогуу сыйынат да, андан кийин аял жана эркек полиция кызматкерлери келип, буттарын жууй баштайт.
Маалыматта бул акциянын расизмге каршы иш-чаралардын алкагында өткөнү айтылды.
Анын өлүмү элдин жаалын кайнатып, АКШда эле эмес, башка жерлерде да нааразылык толкундарын жаратты. Ал эми Американын бир нече шаарында башаламандык болуп, талап-тоноо күч алган.
Интернент айдыңында полиция кызматкерлеринин толкунданган элдин алдында тизелеп турган видеолору арбын тарай баштады. Тизелеген жетекчилердин арасында Канаданын премьер-министри Жастин Трюдо да болду.
