БИШКЕК, 21-апр. — Sputnik. Жугуштуу оорулар эпидемиясы жүрүп жаткан учурда узак убакытка ачка жүрүү вирустун тез жугуп кетишин шарттайт. Бул тууралуу Россиянын диетологдор ассоциациясынын мүчөсү, дарыгер-диетолог Марина Макишага шилтеме берип "Известия" басылмасы жазды.
Анын айтымында, узак убакыт ачка жүрүү организмди стресске учуратышы мүмкүн. Мындай абалында ал вирустун алдында алсыз болуп калат.
"Учурда теле, интернет аркылуу ар кандай ооруларды алдын алуу же дене бойду арык жана сымбаттуу кармоо үчүн толгон-токой диеталарды көрсөтүп, сунушташат. Алардын басымдуу бөлүгү адамды көнүмүш рационунан баш тартууга үндөйт. Пандемия шартында тамактан баш тартуу туура чечим эмес", — деди диетолог.
Ал эми Sputnik Кыргызстан агенттиги буга чейин адистердин пикирине таянып, карантин учурунда кантип туура тамактануу керектигин жазган.
