16-январь кыргызстандыктардын жүрөгүндө өзгөчө күн катары сакталып калганына быйыл үч жылдын жүзү болду. Эртең мененки саат 7.17де жүк ташыган Boeing учагы турак үйлөрдүн үстүнө кулаган.
16 Үчтүн айы 2019, 16:04
Мамлекеттер аралык авиация комитетинин алдын ала берилген маалыматы боюнча, авиакырсык аба кемеси экинчи айлампага кирип жатканда болгон. Каргашадан Дача СУнун 35 тургуну жана экипаждын төрт мүчөсү каза тапкан.
Окуя бүтүндөй өлкөнү селт эттирди. Бир айдын ичинде жабырлануучуларга 88 миллион сом которулган. Дүйнөнүн булуң-бурчунан жылуу кийим-кече, акча, оюнчуктар келген.
Бир жылдан соң каргаша болгон жерге мемориал тургузулуп, набыт кеткендердин аты-жөнү чегилген. Кырсыкка ким күнөөлүү деген суроо ушул күнгө чейин жоопсуз турат.
