БИШКЕК, 28-окт. — Sputnik. Кыргызстандык мушкер Канат Келдибеков кийинки беттешин 29-ноябрда Казакстанда өтө турчу ACA жана Alash Pride уюмдарынын биргелешкен турниринде өткөрөт. Бул тууралуу спортчунун машыктыруучусу Марат Бекмуратов Instagram баракчасына жазды.
Посмотреть эту публикацию в Instagram
Беттеш Астана шаарында болот. Анда Келдибеков жергиликтүү спортчу Алтынбек Думанулы менен кармашары айтылат.
Кыргызстандык спортчу соңку беттешин ушул жылдын 4-октябрында Грозный шаарында өткөрүп, жергиликтүү спортчу Дукваха Астамировду калыстардын чечими менен утуп алган.
Көп өтпөй ACA (Absolute Championship Akhmat — ред.) уюму менен келишимин жаңыртып, анын алкагында дагы төрт беттеш өткөрмөй болгон.
