Жалал-Абадда бейтаптын жүрөгүнөн теннистин тобундай тромб алынды. Сүрөт

© Фото / Айбек ТемировХирург, профессор, аталган оорукананын жетекчиси Калдарбек Абдраманов операция учурунда. Архив
Хирург, профессор, аталган оорукананын жетекчиси Калдарбек Абдраманов операция учурунда. Архив - Sputnik Кыргызстан
Жазылуу
Операцияны аптанын башында белгилүү хирург Калдарбек Абдраманов жасаган. Бейтап аял 47 жашта, ал ревматикалык жүрөк кемтигинен жабыркап кайрылган.

БИШКЕК, 25-окт. — Sputnik. Жалал-Абаддагы Түштүк аймактык жүрөк-кан тамыр хирургиясы илимий борборунда сейрек операциялардын бири жасалып, дарыгерлер бейтаптын жүрөгүнөн теннистин тобундай болуп уюп калган тромбду алып чыгышты.

© Фото / Мирсангилов ФахидТүштүк аймактык жүрөк-кан тамыр хирургиясы илимий борборунда сейрек операциялардын бири жасалып, дарыгерлер бейтаптын жүрөгүнөн теннистин тобундай болуп уюп калган тромбду алып чыгышты
Жалал-Абадда бейтаптын жүрөгүнөн теннистин тобундай тромб алынды. Сүрөт - Sputnik Кыргызстан
Түштүк аймактык жүрөк-кан тамыр хирургиясы илимий борборунда сейрек операциялардын бири жасалып, дарыгерлер бейтаптын жүрөгүнөн теннистин тобундай болуп уюп калган тромбду алып чыгышты

Анын сүрөтүн хирург, профессор, аталган оорукананын жетекчиси Калдарбек Абдраманов Facebook баракчасына жүктөгөн.

Абдрманов Sputnik Кыргызстан маалымат агенттигине операция тууралуу кененирээк айтып берди.

Анын айтымында, операция аптанын башында жасалган. Бейтап аял 47 жашта, ал ревматикалык жүрөк кемтигинен жабыркап кайрылган.

"Мындай операцияларды жасап эле жүрөбүз. Бирок тажрыйбамда топтун формасындагыдай тромбду биринчи жолу алышым. Жүрөктүн ичин ачканда абдан таң калдым. Уюган кандар адатта бодуракай, текши эмес болот. А бул тромб тоголок, жылмакай экен. Болжолу менен 6-7 сантиметрдей. Тромбду алгандан кийин бейтапка жасалма митралдык клапан койдук", — деди Абдраманов.

Улуттук госпиталдын нейрохирургу, профессор Миталип Мамытов. Архив - Sputnik Кыргызстан
Баш сасык тумоого кабылгандай эле ооруйт. Нейрохирург Мамытов мээ рагы тууралуу
Ал кошумчалагандай, учурда бейтаптын абалы жакшы, жалпы бөлүмдө ден соолугун калыбына келтирип жатат.

Ал эми топтой уюган канды тийбей банкага салып коюшкан. Дарыгер бул боюнча интернеттен маалымат издеп жатышкандыгын кошумчалады.

Хирург Калдарбек Абдраманов редакцияга берген маегинде 2014-жылы операция учурунда электр жарыгы өчүп калып, аны кол чырактар жана мобилдик телефондордун жарыгы менен улантканын айтып берген.

Жаңылыктар түрмөгү
0