БИШКЕК, 15-сен. — Sputnik. АКШнын атайын кызматтары дельфин, көгүчкөн жана иттерди тыңчылыкка даярдаган деп жазды "Известия" басылмасы.
Көгүчкөндөрдүн өзү атайын үйрөтүлгөн эмес. Басым куштун чоочун жерде калып, бирок үйүнө кайтып келген жөндөмүнө жасалган. Канаттууларга тагылган атайын камераларды каршылаштардын аймагындагы ЦРУ кызыккан объектилерге учуруу каралган. Көгүчкөндөрдү пальтого катып, же автоунаага салып келип, учуруп жиберүүнү пландашкан. Ал эми азыр өтө популярдуу болуп жаткан спутниктин жардамы менен тартып алчу сүрөттөрдүн сапаты ал кезде начар болуп калат дешкен.
Документтин түшүндүрмө бөлүгүндө жаныбарларды колдонуп тыңчылык кыла турган программанын бири да техникалык жана башка себептерден улам бүгүнкү күндө пайдаланылбай тургандыгы жазылган.
