БИШКЕК, 11-сен. — Sputnik. Тайванда жигит сүйлөшкөн кызынын мээси токтоп калганы аныкталгандан кийин ага үйлөндү. Бул тууралуу AsiaOne басылмасы жазды.
Ага ылайык, эки жаш 11 жыл бою сүйлөшүп келишкен. Быйыл август айында кыз жол кырсыгына кабылып, жолдун туура эмес жеринен бурулган машина анын мотоциклин коюп кеткен.
Taiwanese man marries brain-dead girlfriend right before she gets taken off life support https://t.co/J2nBdd1Hfa pic.twitter.com/zfehMp9vtL
— AsiaOne (@asiaonecom) 9 сентября 2019 г.
Жигит кызына палатанын ичинен эле үйлөнүүнү чечкен. Ал эс-учун билбей палатада жаткан кызына фата кийгизип, колуна шакек таккан. Салтанат аяктагандан кийин кызга туташтырылган жасалма дем алдыруу аппараты өчүрүлгөн.
Ал эми кыздын жакындары анын органдарын башка муктаж кишилерге трансплантациялоого уруксат беришкен.
