БИШКЕК, 6-май — Sputnik. Ново-Покровка айылындагы катуу тартиптеги №3 түзөтүү колониясында тинтүү аракеттери жүрүп, тыюу салынган бир катар заттар алынды. Бул тууралуу Жаза аткаруу мамлекеттик кызматынан билдиришти.
Ага ылайык, иш-чарага ЖАМКтын 475 кызматкери менен 15 кызматтык ит тартылган.
Тинтүүнүн жыйынтыгы менен 30 уюлдук телефон (9у иштебейт), 31 телефон заряддагыч, 12 кулакчын, 15 сим-карта, 1 литр бензин, тешип-саюучу 53 буюм, колго жасалган 5 электр жылыткыч алынган. Андан сырткары, эки темир сейф менен ойноочу карта да табылган.
