Окурман Sputnik Кыргызстан редакциясынын Telegram каналына борбор калаадагы аскер комиссариатынан тарткан видеосун салып жиберген. Анда параддык кийим менен казакстандык эки танкисттин сүрөтү аталган жайда чоң эле аянтты ээлеп, илинип тургандыгын көрүүгө болот. Видеону тарткан киши плакатка жакындап келип, аскерлердин формасындагы "Казакстан" деген жазууну көрсөтүп, аскер комиссариатын уяткарып сүйлөгөн.
Кыргызстандын Генералдык штабынын маалымат кызматынан Sputnik Кыргызстан редакциясына ал жердеги плакат алып салынгандыгын билдиришти.
Алар бул окуяда күнөөлүү болгондор жазалана тургандыгын кошумчалашты.
