БИШКЕК, 18-мар. — Sputnik. Түркиянын Измир шаарында белгисиз бирөөлөр жергиликтүү тургундун автоунаасын аткылап, анын кесепетинен Кыргызстандын Элнура Турманбетова аттуу жараны жаракат алган. Бул тууралуу Haberler басылмасы жазды.
Ага ылайык, машинаны 36 жаштагы Фехми Арман аттуу киши айдап келе жаткан. Окуя 16-марттан 17-мартка караган түнү болгону айтылды. Кол салган кишилер автоунаанын артынан атышкан. Ок машинанын арткы эшигин тешип өтүп, кыргызстандык жаранга тийген.
Otomobile seyir halindeyken ateş açıldı: 1 yaralı İzmir’in Konak ilçesinde, bir otomobil seyir halinde olduğu sırada, kimliği belirsiz bir kişi tarafından otomobile tabanca ile açılan ateş sonucunda, otomobilde yolcu konumunda bulun https://t.co/mkMYlRhjPH pic.twitter.com/b4wMPaJZUA
— NHA WORLD NEWS (@NHAWORLDNEWS) 17 марта 2019 г.
Жабыркаган кызга Эгей университетинин ооруканасында операция жасалды. Учурда анын абалы канааттандырарлык.
Аталган факты боюнча кылмыш иши козголуп, полиция кол салгандарга издөө жарыялады.
