БИШКЕК, 18-мар. — Sputnik. Кыргызстандын Стамбулдагы Башкы консулдугу Кыргызстандын жараны ок жегени боюнча маалыматты тактоо үчүн медициналык мекеме менен байланышканын ТИМден билдиришти.
"Нөөмөттөгү дарыгер жабыркаган кызга операция жасалып, реанимация бөлүмүнө жаткырылганын билдирди. Ошондой эле абалы туруктуу экенин маалымдады. Башкы консулдук маселени өз көзөмөлүнө алды", — деп айтылат маалыматта.
Мындан сырткары, консулдук кошумча маалымат берилерин убадалады.
Белгилей кетсек, буга чейин Түркиянын Измир шаарында белгисиз бирөөлөр жергиликтүү тургундун автоунаасын аткылап, анын кесепетинен Кыргызстандын Элнура Турманбетова аттуу жараны жаракат алганын Haberler жазган.
