Түштүк Африка республикасындагы Крюгер улуттук паркында туристтер күтүлбөгөн окуяга күбө болушту. Алар эки арстандын жеми болоюн деп жаткан гну антилопасы капысынан жерден тура калып, аларды челип ыргытып кубалаганын көрүүгө болот. Окуянын видеосу YouTube сайтына жарыяланды.
National Geographic басылмасынын жазышынча, окуя паркта апрель айынын соңунда болгон. Негизинен жалгыз арстан мындай ири жаныбарга кол салууга батынбайт. Бирок эки арстан биригип кол салган учурлар көп кездешет. Окуяга күбө болгондордун айтымында, арстандар анчейин ачка болбогондуктан кармаган олжосуна көңүл бурган эмес. Арстандардын ток болгону гну антилопасынын качып кеткенине шарт түзүп берген.
