Радиостудия Sputnik Кыргызстан в Бишкеке - Sputnik Кыргызстан
Радио

Кадыров: Бишкекте мыйзамсыз соода-сатык күркөлөрүн алуу улантылат

© Sputnik / Табылды Кадырбеков Асель АкматалиеваБишкек шаардык мэриясынын жер пайдалануу жана курулуш башкармалыгынын жетекчисинин орун басары Азамат Кадыров
Бишкек шаардык мэриясынын жер пайдалануу жана курулуш башкармалыгынын жетекчисинин орун басары Азамат Кадыров - Sputnik Кыргызстан
Жазылуу
Бишкек шаардык мэриясынын жер пайдалануу жана курулуш башкармалыгынын жетекчисинин орун басары Азамат Кадыров былтыр шаар ичинде мыйзамсыз деп аныкталган 3500 объект алынып, демонтаж болгондугун маалымдады.
Кадыров: Бишкекте мыйзамсыз соода-сатык күркөлөрүн алуу улантылат

Объектинин 1350сү жеңилдетилген типтеги объектилердин катарына кирет, мыйзамсыз коюлган көчмө жайларды алуу иштери 2019-жылы дагы уланат. Бул тууралуу Азамат Кадыров Sputnik Кыргызстан радиосунун "Ачык кеп" программасынын эфиринде маек куруп жатып билдирди.

Анын айтымында, муниципалдык жерге жеңилдетилген объектилерди орнотуу үчүн тийиштүү мекемелерден атайын уруксат кагаздарын алуу керек.

"Жеңилдетилген типтеги объектилерге соода-сатык күркөлөрү, мобилдик мунаралар, атайын тосмолор (шлагбаум), сейил бактарындагы оюн-зоок жабдыктары жана башкалар кирет. 2018-жылы Бишкек шаары боюнча жалпысынан 3500 мыйзамсыз курулуш аныкталып, демонтаж болгон. Алардын ичинен 1350сү — жеңилдетилген типтеги объектилер. Жакында шаардын көчөлөрүн оңдоо иштеринин экинчи фазасы башталат. Ошондо долбоорго туура келбеген дагы бир топ соода күркөлөрү, жарнамалык мамылар, атайын тосмо жайлар алынат", — деди Кадыров.

Ошондой эле аткаминер жеңилдетилген типтеги объектилерди муниципалдык жерге орнотуу үчүн келишим бир жылга жана өзгөчө учурда үч жылга түзүлөрүн кошумчалады.

Жаңылыктар түрмөгү
0