Урматтуу кесиптештер!
Силерди "Кыргызстанда мигранттардын балдарын кантип коргоо керек?" аттуу тегерек столго чакырабыз.
Иш-чара 18-декабрда саат 11:30да Sputnik Кыргызстан агенттигинин мультимедиалык маалымат борборунда өтөт.
Расмий маалыматтар боюнча бүгүнкү күнү 750 миңден ашык кыргызстандык чет жерде иштеп жүрөт. Ал мигранттардын 259 миң баласы Кыргызстанда калды. Ата-энелер керектүү документтерди иретке келтирбегендиктен балдардын көбү социалдык кызматтан пайдалана албайт. Мындай балдар иштейм деп окууну көп таштап, мектептен чыгып калышат. Мунун себебинен кароосуз калып, чоңдор тарабынан зомбулукка, уруп-согууга, психологиялык, сексуалдык кордукка кабылуу ыктымалдуулугу жогору.
UNICEF менен Кыргызстан өкмөтү мигранттардын балдарын коргоого багытталган мыйзам долбоорун сунуштап жатат.
Бийлик мигранттардын балдарын кооптуулуктан коргоо үчүн кандай иштерди аткарып жатат? Бул маселеге укук коргоо органдары кандай чара көрүүдө? Чет жерде иштеп жүргөн эмгек мигранттарынын балдарынын коопсуздугун эмне камсыздай алат? Мына ушул жана башка маселелер тегерек столдо талкууланат:
Катышуучулар:
- Абдирасул Абакирович Айдаров — "Замандаш" ассоциациясынын жетекчиси;
- Эмгек жана социалдык өнүгүү министрлигинин өкүлү;
- КР ИИМдин өспүрүмдөр иши боюнча инспекциясынын өкүлү;
- ТАЛАНТБЕК уулу Нуржан — КР Башкы прокуратурасынын социалдык иштер жана балдардын укугун коргоо боюнча мыйзамдын аткарылышын көзөмөлдөө, коррупция менен күрөшүү бөлүмүнүн прокурору;
- Назгүл Турдубекова — "Балдардын укугун коргоо лигасы" коомдук фондусунун башчысы;
- Кыргызстандын Акыйкатчы институтунун өкүлү;
- Аида Камчыбековна КАСЫМАЛИЕВА —Жогорку Кеңештин депутаты;
- Елена Семеновна ЗАИЧЕНКО — UNICEF уюмунун балдарды социалдык жактан коргоо боюнча адиси;
- Самат Николаевич ТОКТОБОЛОТОВ — Мамлекеттик миграция кызматынын жетекчисинин орун басары;
- Екатерина Геннадьевна ХОРОШМАН — Өкмөттүн балдарды коргоо программаларын ишке ашыруу жана көзөмөлдөө координатору;
- Гүлнара Санташевна ШЕЙШЕКЕЕВА — "Укук борбору" коомдук фондусунун директору.
Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси 46, (Чүй проспектиси менен кесилишет). ЖМКларды каттоо жеринен редакциялык күбөлүк менен жүргүзүлөт.
Маалыматтык борбордо боло турган иш-чара тууралуу кошумча билдирүүнү +996 312 98-60-27, +996 312 98-69-47 телефондору аркылуу алсаңыздар болот.
Sputnik Кыргызстан агенттигинин мультимедиалык маалымат борборунун анонсторун алып туруу үчүн a.valiev@sputniknews.com дарегине жазыңыз.
