БИШКЕК, 9-дек. — Sputnik. Кыргызстандык UFC чемпиону Валентина Шевченко кыргызстандык күйөрмандарына эне тилинде ыраазылык билдирген видеону интернетке бир тууган эжеси Антонина жүктөгөн.
Анда Валентинанын төрт тилде, тагыраагы, англисче, испанча, орусча жана кыргызча сүйлөгөнүн көрүүгө болот. Мушкер колдоп-коштогондордун бардыгына рахмат айтып, келе жаткан Жаңы жыл майрамы менен куттуктаган.
"Чоң рахмат! Кыргызстан, алга!" — деди кыргыз тилинде айткан сөзүндө.
Мушкерлер Торонто шаарында өткөн UFC 231 мелдешинин алкагында күч сынаштып, натыйжада беш раунддун жыйынтыгы менен калыстар жеңишти Шевченкого ыйгарышкан.
Белгилей кетсек, Валентина ушуну менен мурдагы совет өлкөлөрүнүн ичинен кыз-келиндер арасында биринчи жолу UFC уюмунун чемпиондук наамына ээ болду. Эркектер арасында бул наамга россиялык Хабиб Нурмагомедов татыган.
