Радиостудия Sputnik Кыргызстан в Бишкеке - Sputnik Кыргызстан
Радио

Алмамбетова: шаар көчөлөрүн кардан тазалоого 23 унаа аз

© Sputnik / Асель АкматалиеваБишкек шаарынын мэринин кеңешчиси Гуля Алмамбетова
Бишкек шаарынын мэринин кеңешчиси Гуля Алмамбетова - Sputnik Кыргызстан
Жазылуу
Бишкек шаарынын мэринин кеңешчиси Гуля Алмамбетова шаарды тазалоого атайын техника аздык кылып, калаа көчөлөрүн кардан тазалоодо кыйынчылыктар көп жараларын айтты.
Алмамбетова: шаар көчөлөрүн кардан тазалоого 23 унаа аз

Карды алгач тазалап, андан кийин туз, артынан кум сээп кетиш үчүн мэрияга дагы 200дөн ашуун унаа керек. Бул тууралуу Гуля Алмамбетова Sputnik Кыргызстан радиосунун таңкы эфиринде маек куруп жатып билдирди.

Анын айтымында, шаар бийлигинин карамагында 23 эле техника бар. Декабрь айынын аягына чейин дагы алты атайын унаа келиши күтүлүүдө.

"Шаардын чыгыш жагынан баштап батыш тарабына чейин кар тазалоочу унаа менен жүрүп көрдүк. Эсептеп көрсөк, 23 унаабыз эч нерсеге жарабайт экен. Биздин божомол боюнча Бишкектин көчөлөрүн толугу менен тазалаш үчүн 240 унаа керектелет. Бири карды күрөп, экинчиси кум чачса, үчүнчүсү туз себет. Алардын артынан келген унаалар эриген карды тазалап кетиши керек", — деди Алмамбетова.

Ошондой эле ал айдоочулардын көбү унааларын жол четине токтотуп, жол тазалоо убагында муниципалитеттин кызматкерлерине тоскоолдук жаратарын кошумчалады.

Жаңылыктар түрмөгү
0