БИШКЕК, 3-сен. — Sputnik. Өзбекстандын көк бөрү боюнча курама командасы Башкыртстанды 20:1 эсебинде утту.
Беттештин биринчи бөлүгү 8:0 эсебинде өзбекстандык спортчулардын жеңиши менен жыйынтыкталып, экинчи бөлүгүндө Башкыртстандан келген оюнчулар каршылаштарынын тай казанына бир эле улак таштоого үлгүрүп, оюн 15:1 болуп аяктады. Ал эми соңку күч сынашууда коңшу өлкөнүн оюнчулары атаандаштарына дагы беш улак таштап эсеп 20:1 менен аяктады.
Ага чейин Кыргызстандын улуттук курама командасы Монголиянын улакчыларын баш көтөртпөй, 29:5 эсебинде жеңип алган.
Учурда Ысык-Көлдө Көчмөндөрдүн дүйнөлүк үчүнчү оюндары өтүп жаткан мелдеште жалпы 11 команда ат салышууда.
Көк бөрүнү ойноо тартиби менен Sputnik Кыргызстан агенттигинин материалынан таанышыңыздар.
