БИШКЕК, 31-июл. — Sputnik. Белоруссиянын Башкы прокуратурасы Кыргызстандын мурдагы өкмөт башчысы Данияр Үсөновду издеп таап, өткөрүп берүү өтүнүчүнөн эки жолу баш тарткан. Бул тууралуу Sputnik Белоруссия агенттиги маалымдады.
Бирок 2018-жылдын 6-мартында Белоруссия укуктук жардам жана жарандык мамилелер боюнча КМШ өлкөлөрүнүн Конвенциясынын 21-беренесине таянып Кыргызстандын Башкы прокуратурасынын өтүнүчүн четке каккан.
Ошол эле жылдын 5-апрелинде Кыргызстан тараптан Данияр Үсөновду өткөрүп берүү боюнча дагы бир өтүнүч келген.
"2018-жылдын 7-июлунда расмий Бишкектин Үсөновду Кыргызстанга берүү сунушу четке кагылган. Бул талап саясий куугунтуктан улам болуп жатат деп эсептөөгө кескин негиз бар", — деп жазылат Белоруссиянын Башкы прокуратурасы берген маалыматта.
Белгилей кетсек, Данияр Үсөнов 2010-жылы Апрель революциясынан кийин өлкөдөн чыгып кеткен. Анын аты-жөнүн өзгөртүп, Белоруссияны баш паанектеп жүргөнү белгилүү болду.
