Алп эркектер! Бул эки сумочунун бири Көчмөндөр оюнуна катышат. Даярдык видеодо

Жазылуу
Быйыл биринчи жолу Көчмөндөр оюндарынын программасына сумо кирди.

Кыргызстандын сумо боюнча көзгө басар балбандары Алмаз Эргешов менен Тилек Усупов күздө өтө турчу Көчмөндөр оюндарына кантип даярданып жатканын көрсөтүп берди.

Эки спортчу тең КРдин көп жолку чемпиону, Азия чемпионатынын коло байге ээси, дүйнө биринчилигинде бешинчи орунга ээ болушкан.

Бул жигит топ чапканда... Волейболчу Оңолбек Каныбек уулунун мастер-классы - Sputnik Кыргызстан
Бул жигит топ чапканда... Волейболчу Оңолбек Каныбек уулунун мастер-классы
Сумо десе эле алп балбандарды элестетебиз, андыктан спортчулардын салмагын белгилеп кетпесек болбойт. 38 жаштагы Эргешовдуку 180 килограмм болсо, 46 жаштагы Тилек Усуповдуку 130 килограмм.

Кыргызстандын Сумо федерациясынын башкы катчысы Адил Шайхидиновдун айтымында, Көчмөндөр оюнунда сумо боюнча ар бир мамлекеттен бирден гана спортчу катышат.

Ошол себептен алдыда боло турчу маанилүү мелдештерден кийин Алмаз Эргешов менен Тилек Усуповдун бири тандалат.

"Көчмөндөр оюнунун жобосу боюнча "ачык салмак" каралган, мындайча айтканда, салмакка чектөө жок. Бирок бир мамлекеттин атынан бир спорту машыктыруучусу менен гана келе алат. Биздин спортчулардын мыктысын ушул айда боло турчу Азия жана дүйнө чемпионатынын жыйынтыгынын негизинде чечебиз. Даярдыктары мыкты", — деди Шайхидинов.

Ошондой эле башкы катчы Көчмөндөрдүн программасындагы сумо спорт ышкыбоздору арасында өтө тургандыгын кошумчалап, мавасинин (сумочулардын чаттан өткөрүлүп белден байланган салттык формасы) ичинен кара трекса (чолок шым. — ред.) кийүүгө боло тургандыгын айтты. Мындан сырткары, калыстар кимоно эмес, ак түстүү көйнөк, шым жана кол кап кийип тейлешет.

Жаңылыктар түрмөгү
0