Урматтуу кесиптештер, силерди алтайлык көмөкөй үндүү аткаруучулардын катышуусундагы маалымат жыйынга чакырабыз.
Иш-чара 5-июнда саат 10:00дө Sputnik Кыргызстан агенттигинин мультимедиалык маалымат борборунда болот.
7-июнда Бишкектеги Токтогул Сатылганов атындагы улуттук филармонияда "Алтай — бабалардын жери" аттуу концерт өтөт. Ага Алтайдын таланттуу композиторлору, музыканттары, ырчы-бийчилери жана көмөкөй үндүү аткаруучулары катышат.
Алтайлык өнөр адамдары Бишкекте биринчи жолу концерт берип жатканы менен өзгөчөлөнөт.
Бул маданий иш-чара тууралуу уюштуруучулар айтып берип, артисттер журналисттерге алтай элинин музыкалык аспаптарында кол ойнотуп, көмөкөй менен ырдоонун ыкмаларын айтып берет.
Катышуучулар:
ТОКОВА Наталья — Кыргызстандагы "Хан Алтай" коомдук бирикмесинин президенти;
РЫСАЛИЕВ Токтогул — "Арашан" ансамблинин жетекчиси;
МОДОРОВ Шонкор — этно-аткаруучу, композитор, продюсер, айтуучулар курултай эл аралык конкурсунун лауреаты;
ЛИРОВ Равиль — Алтай республикасынын мамлекеттик оркестринин солисти, кекиртек менен ырдоо боюнча россиялык жана эл аралык конкурстардын лауреаты;
САТИН Добрыня — Алтай республикасынын мамлекеттик оркестринин солисти, Алтай республикасынын башчысынын атына уюштурлган сыйлыктык лауреаты.
Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси, 46 (Чүй проспектиси менен кесилишет).
ЖМКларды каттоо жеринде жүргүзүлөт. Кошумча маалымат үчүн +996 312 98-69-47, +996 312 98 69 44 телефондоруна чалыңыз.
Sputnik Кыргызстан агенттигинде боло турчу маалымат жыйындары, чогулуштар тууралуу маалымат алып турам десеңиз m.elebesov@sputniknews.com электрондук дарегине жазып коюңуз.
