БИШКЕК, 29-май — Sputnik. Кадыр түн Кыргызстанга 11-июндан 12-июнга караган түнү болорун муфтияттан билдиришти.
"Кадыр түн июндун 11инен 12исине карганда болот, бирок бул түн Рамазандын акыркы 10 күнүнүн так күндөрдүн биринде жашырылган", — деп айтышты муфтияттан.
Кыргызстандыктар Кадыр түндү былтыр, 2017-жылы, 21-июндан 22-июнга караган түнү тоскон.
Муфтияттан былтыр Кадыр түн орозонун 27сине караган түнү белгиленерин айтышкан. Ал эми быйыл орозо 15 же 16-июнда аяктай турганы белгилүү болгон.
2018-жылдын Орозо календарын: ооз бекитүү (имсак) жана ооз ачуу (ифтар) маалын бул жерден көрсөңүз болот.
