Сулайманова: эненин оорусу карындагы балага өтөт
Каны аз энеден аз кандуу бала төрөлөт. Бул тууралуу Минагүл Сулайманова Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, бул себептен аялдар кош бойлуу кезинде ден соолугуна өзгөчө кам көрүшү керек.
"Эненин каны аз болсо бала да аз кандуу болуп төрөлөт. Ошондуктан келиндер төрөгөнгө чейин пайдалуу тамак-аш менен организимин азыктандыруусу шарт. Мисалы камыр, өтө ачуу, же болбосо өтө таттуу тамактарды жеген зыян. Боюнда бар келиндер мүмкүн болушунча эртерээк дарыгерге кайрылып, өзүнө жакшылап көңүл бурушу зарыл", — деди дарыгер.
Ал Совет учурунда баланы үч саат сайын эмизүү керек болсо, ал эми азыр бала ыйлаары менен эмчек берүү керектигин кошумчалады.
