Бүгүнкү күндө радиодо иштөө абдан жеңил. Мындай пикирин Гүлжамийла Шакирова Sputnik Кыргызстан радиосуна 7-май радио күнүнө арналган таңкы эфирде маек куруп жатып билдирди.
"Биз жаш кезде түз эфирге чыгуу абдан олуттуу эле. 15 мүнөттүк эфирди кантип алып барам деп, 2-3 күн мурда даярдана баштачубуз. Диктофондорубуз 12 килограмм, аны көтөрүп алып интервьюга чыкчубуз. Ошондо да ушундай техникабыздын бар экенине кубанчубуз. Анткени бизге чейинки журналисттер, мисалы, кой төлдөгөн убакта радио берүү жасаш үчүн козулардын маараганын жаздыра албай кыйналышкан экен", — деди Шакирова.
Ал ошондой эле радио журналист болуу анын бала кезден берки кыялы болгонун кошумчалады.
Эскерте кетчү жагдай, респонденттин пикири редакциянын көз карашына дал келбей калышы мүмкүн.
