Sputnik Кыргызстан редакциясынын журналисти борбор калаадагы маршруттук каттамдардын айдоочулары жолдо кантип жүрөрүн сыртынан акмалап, байкоо салды. Алардын артынан түшүп алган кабарчы айдоочулардын элди кайсы жерден алып, суранган жеринен түшүрүп, жолдо авариялык абалды түзүп жатканын видеого тартып жүрүп отурду.
Ал эми жолдун экинчи тилкесинен бурулуу маселесине келсек, айдоочулар буга уруксат берүүнү талап кылып, кыйынчылык жаралып жатканын айткан. Биз алардын бурулуп эле жаткандыгына күбө болдук.
Жол кыймылы коопсуздугун камсыздоо башкы башкармалыгынан мындай эреже бузуулар үчүн Админстративдик кодекстин 235-беренесине ылайык 1000 сом айып пул салынарын айтышты.
2-апреде Бишкектеги маршруттук таксилердин айдоочулары тарифти жогорулатып, жүргүнчүлөрдү милдеттүү түрдө камсыздандырууну жокко чыгаруу талабы менен иш таштап, каттамга чыккан эмес. Анын кесепетинен аялдамада кезек күткөндөр көп болуп, коомдук транспортко эл батпай калган.
