Бишкек мэри маршрутка айдоочуларына катуу чара көрүүнү тапшырды

© Sputnik / Табылды КадырбековБишкек шаарынын мэри Албек Ибраимовдун архивдик сүрөтү
Бишкек шаарынын мэри Албек Ибраимовдун архивдик сүрөтү - Sputnik Кыргызстан
Жазылуу
НовостиTelegram
Калаа башчысы маршруттук таксилерди борбордук көчөлөрдөн алып салуу сунушун кайрадан көтөрдү

БИШКЕК, 4-апр. — Sputnik. Бишкек шаарынын мэри Албек Ибраимов кайсы фирманын айдоочулары жол эрежесин буза турган болсо лицензиясын алып коюуну сунуштап жатат. Бул тууралуу муниципалитеттин маалымат кызматынан кабарлашты.

Забастовка водителей маршруток в Бишкеке - Sputnik Кыргызстан
Каршылык акциясы үчүн маршрутка айдоочулары канча акчадан кур калды
Билдирмеге караганда, мэр коомдук транспорттун ишин жакшыртуу үчүн мамлекеттик муниципалдык башкармалыктардын жетекчилери жана коомдук транспортту көзөмөлдөгөн тараптар менен биргеликте атайын жыйын өткөрдү.

Анын алкагында калаадагы транспорт башкармалыгына маршруттук таксилердин айдоочулары жол эрежесин буза турган болсо, иштеген фирманын лицензиясын алуу боюнча маселени иштеп чыгуу тапшырмасы берилди.

Ошондой эле башкармалык айланма жолдордун жаңы схемасын түзүп, борбордук көчөлөрдү маршруткалардан бошотууга милдеттендирилди.

"Жолдордун оңдолушу боюнча графикти эске алуу менен маршруттук такси, автобус жана троллейбустардын дагы схемасын өзгөртүү тапшырылды", — деп айтылат маалыматта.

Ибраимов вице-мэрге жаңы троллейбустардын келишине байланыштуу такай мониторинг жүргүзүп, жаңы автобустарды сатып алуу үчүн тендерди эртелетүүнү тапшырды.

Каалагандай айдайм! Маршруткачынын каршы тилкеге чыгып алып айдаган видеосу - Sputnik Кыргызстан
Каалагандай айдайм! Маршруткачынын каршы тилкеге чыгып айдаган видеосу
Мындан тышкары, мэр өз ара аракеттешүү бөлүмү укук коргоо органдары менен биргеликте санкциясыз акция өткөрүп, элди жолдо калтырган маршруттук таксилердин фирмасын аныкташы керектигин белгилеп өттү.

2-апреде Бишкектеги маршруттук таксилердин айдоочулары тарифи жогорулатып, жүргүнчүлөрдү милдеттүү түрдө камсыздандырууну жокко чыгаруу талабы менен иш таштап, каттамга чыккан эмес. Анын кесепетинен аялдамада кезек күткөндөр көп болуп, коомдук транспортко эл батпай калган.

Жаңылыктар түрмөгү
0