БИШКЕК, 13-мар. — Sputnik. Ош облусунун Өзгөн шаарында 14 киши кышкы салатка ууланып ооруканага кайрылгангын Саламаттык сактоо министрлигинин маалымат кызматы билдирди.
Ага ылайык, 14 кишинин төртөө балдар. Алар 11-мартта ууланып, 12-мартта ооруканага кайрылган.
"12-мартта тогуз киши кайрылса, эртеси дагы беш киши түшкөн. Үч жарандын абалы оор, бирөө кайра жандандыруу бөлүмүндө", — деп айтылат маалыматта.
Учурда бейтаптарды сакайтуу боюнча тийиштүү аракеттер көрүлүүдө. Ооруканага кайрылгандардан анализдер алынып, лабораторияга жөнөтүлдү.
Буга чейин Ош облусунун Кара-Суу районунда да тамакка уулануу катталып, эки бала каза болгон.
