Дүйшөнбек Зилалиев УКМКга чакырылды

© Пресс-служба правительства / Сабыр АильчиевВице-премьер-министр Кыргызской Республики Дуйшенбек Зилалиев
Вице-премьер-министр Кыргызской Республики Дуйшенбек Зилалиев - Sputnik Кыргызстан
Жазылуу
ИИМ академиясынын курсанты Зилалиев жарылуучу каражат тууралуу маалымат бергени үчүн тергөө иштери башталганын билдирген

БИШКЕК, 18-дек. — Sputnik. Мамлекеттик мүлк фондунун башчысы Дүйшөнбек Зилалиев дүйшөмбүдө Улуттук коопсуздук мамлекеттик комитетине чакырылган. Бул тууралуу маалыматты УКМКдан да тастыкташты.

Вице-премьер-министр Дуйшенбек Зилалиев - Sputnik Кыргызстан
Зилалиев бомба тууралуу айткан эмес, болгону курсант кыздын формасын сындаган
Зилалиев Сооронбай Жээнбековдун инаугурациясында бомба коюлду делген маалымат боюнча суракка алынган. Башка маалыматтар азырынча айтыла элек.

Инаугурация күнү укук коргоо органдарынын кызматкерлери Чыңгыз Айтматов проспектиси менен Москва көчөлөрүнүн кесилишинен жарылуучу каражатты издешкен. ИИМ Академиясынын курсантынын айтымында, ага бомба тууралуу маалыматты Зилалиев маалымдаган.

Мүлк фонду болсо ведомствонун жетекчиси өкмөттүк трассадан өтүп баратып курсант кыздын формасын сындаганын билдирген.

"Ал кыз жакшы укпай калып, башкача түшүнүп алган болсо керек", — деп фонддон маалымдашкан.

УКМК кылмыш ишин Зилалиевге карата эмес, жалган маалымат фактысы боюнча козгогону маалыматта белгиленет.

Жаңылыктар түрмөгү
0