БИШКЕК, 14-дек. — Sputnik. Акыйкатчы Кубат Оторбаев россиялык кесиптешине Кыргызстандын жарандары жабыркаган жол кырсыктарын жеке көзөмөлгө алуу өтүнүчү менен кайрылды. Бул тууралуу Акыйкатчы институтунун маалымат кызматы билдирди.
ИИМдин Самара облусу боюнча башкы башкармалыгынын маалыматында, көз жумган айдоочу менен бир жүргүнчүдөн тышкары балалуу аял катуу жаракат менен ооруканага жеткирилген.
Ушундай эле жол кырсыгы 7-ноябрь күнү Москвада катталып, натыйжада 41 жаштагы кыргызстандык аял жабыр тарткан. Ал реанимацияга жеткирилген. Аталган факты боюнча тершитирүү жүрүп жатат. Ал эми Кыргызстандын элчилиги тарабынан тийиштүү кайрылуу жолдонгон.
"Жабырлануучунун жакындарынын айтымында, аны Москва шаарынан өз унаасы менен бараткан киши койдуруп, из жашырып кеткен. Ал эми полиция кызматкерлери жабыркаган аялдын арызын кабыл албай коюшкан", — деп айтылат билдирүүдө.
Буга байланыштуу Оторбаев россиялык кесиптеши Татьяна Москальковага кайрылып, аталган жол кырсыктары боюнча маселени жеке көзөмөлүнө алуусун өтүнгөн.
