БИШКЕК, 18-ноя. — Sputnik. Кыргызстанда жашаган калктын айрым бөлүгүнүн ысымы айлардын атынан коюлган. Бул тизме 18 жаштан жогорку жарандардын биометрикалык маалыматттарына таянуу менен чыгарылды.
Ага ылайык, кыргызстандык үч аялдын аты Январжана Январхон, Январкан. Ошондой эле Январбек деген эки эркек бар. "Март" ысымы болсо 257 жаранга ыйгарылган. Алардын арасынан Март, Мартбек, Мартбай, Мартаба, Мартабахон деген адамдарды кездештерүүгө болот. Ал эми Кыргызстандын жалгыз жараны Апрелбек ысымын алып жүрөт.
Ошондой эле аты жайдын ортоңку айынан коюлган Июль аттуу аял жашайт. Ал эми Август, Августа, Августбек, Августкул деген 19 киши бар. Күздүн экинчи айынан аталгандардын саны 181ге жетет. Аларды Октябрь, Октябрбек жана Октябрхон деп чакырууга болот. Андан кийинки айдын атын алган үч Ноябрь атуу эркек, бир Ноябрхан атуу аял жашайт. Жыл жыйынтыктаган Декабрь аттуу эки эркек киши бар.
Ал эми Февраль, Май, Июнь жана Сентябрь дегендер жок.
